الكلمة

المعنى

السياق

1

ربَّى – يربي – تربية

عَلِّم من الصِغَر

جدتي ربتني وأنا صغيرة عشان أبويا وأمي كانوا دايماً مسافرين.

2

اتْبَنَّى – يتْبَنَّى – تَبَنِّي

ربى إبن حد تاني

علشان مراته مابتخلفش راحوا اتبنوا طفل يتيم من الملجأ.

3

حاضر

موافق

حاضر يا ماما أنا هاسمع كلامك كله..

4

إتَّكَل – يِتَّكَل – تُكَال (إتِّكال)

امشي (مش مهذبة)

اتكل انت دلوقتي وأنا هاجيلك بعدين..

5

شاطر

متفوق

لو إنت شاطر كنت نجحت في الامتحانات

6

اتصَرَّف – يتْصَرَّف – تَصَرُّف

إعمل حاجة

يعني إيه مافيش فلوس؟ إتصرف وهات..البنك هياخد البيت…

7

عَيِّل/ـة – عِيال

طفل

الراجل دا عنده خمس عيال أربع ولاد وبنت.

8

شِبِع – يشبَع – شَبَع

مش جعان خالص

مش قادرة آكل أي حاجة تانية… أنا شبعت جداً.

9

غار – يغور (غور)

مِشي (مش مهذبة)

مبارك كان لازم يغور من مصر بأي شكل..

10

داهية

مصيبة

مبارك راح في داهية…

11

فندام

شخصية سينمائية

بروس لي وجاكي شان وفندام مثلوا أفلام أكشن كتير.

12

سَبُّوبَة

شغل

أنا عندي سبوبة ليك بفلوس كويسة.. ها موافق؟

13

خَدِّم – يِخَدِّم على + شخص

يخدم في مكان

القهوة لازم تِخَدَّم على الزباين كويس عشان يجوا كل يوم..

14

خفيف

مش لطيف

إيه يا خفيف؟! إنت فاكر نفسك مضحك وللا إيه؟

15

كَسَى – يِكْسي – كِسْوة

يجيب هدوم

فيه جمعيات خيرية بتهتم بتوزيع كسوة الشتا على الفقرا

16

نَهَج – يِنْهَج – نَهَجَان

يتنفس بسرعة

أنا ساكن في الدور السابع. كل ما أطلع السلم لازم أنهج.. عشان كدا بافضل الأسانسير.

17

سند – يِسْنِد – سَنْد على

استند على

كل ما أطلع السلم لازم أسند على الدرابزين عشان ما أقعش..

18

كَشَفَ – يكشف – كشف على

فحص

الدكتور كشف عليها وعرف إنها مش عيانة

19

باين – باينة – باينين

واضح

على فكرة إنت كداب وكدبك باين.

20

اتلهى – يتلهي (اتْلِهِي)

بس كفاية

إيه اللي انت بتقوله دا؟! إتلهي واسكت بقى.. أوف

21

اشمعنى

ليه؟

وانت بتعرف تتخانق؟ إشمعنى؟؟

22

إلحقوني

النجدة

يا نااااس يا هووووو أنا باغرق… إلحقونيييي

23

مُسَجَّل – مُسَجَّلَة – مُسَجَّلين

عند الشرطة

معظم البلطجية مسجلين وعشان كدا سهل الشرطة تقبض عليهم.

24

أطلقي (في الحمل) طَلْق

إضغطي

في الولادة الدكتور ممكن يستخدم جهاز طلق صناعي علشان يساعد الأم في إخراج الجنين..

25

إنتعي (في الحمام) نَتْع

إضغطي

بلاش تضغط على نفسك، النتع الكتير دا في الحمامممكن يخليك تروح للدكتور…

26

دَكَر

شديد الرجولة

الواد دا دكر. بيعرف يتصرف في كل المواقف برجولة.

27

غصب عنك (غصبن)

بالعافية بالقوة

إنت مش عايزني أسافر؟؟ طيب أنا هاسافر غصبن عنك… وريني بقى هتعمل إيه؟

28

يا لهوي!

يا خبر!

يا لهوي!! الأكل اتحرق!!

29

مَعَلِّم – مَعَلِّمَة – معلمين

مدير محل

اشتريت لحمة من محل المعلم سعيد الجزار.

30

حِجْر+ ضمير

رِجِل

البيبي نايم في حجر أمه… شكلهم جميل قوي

31

دَوَّخ – يِدَوَّخ –

تَعَّب شخص

الولد دوخني النهاردا من كتر عياطه.

32

دِماغ

راس

دماغي وجعاني.. عندي صداع جامد

33

اتْدَشّ – يِتْدَشّ – دَشّ

اتكسَّر

الكوباية وقعت اتدشت على الأرض

34

زمان+ضمير

قرَّب يعمل حاجة

ماتقلقوش، الدكتور زمانه جاي.. هومظبوط في مواعيده.

35

ولا – يالا – واد ياد

ولد

ولا، يلا، إنت ياد.. إنت إيه مش سامع؟؟ تعالى هنا

الكلمة

المعنى

السياق

1)

ياولاد الحرام

أولاد غير شرعيين (شتيمة)

إنتو سرقتوا الست الفقيرة دي؟! يا ولاد الحرام..

2)

لا أول ولا آخر ناس+ فعل

مش الوحيدين أو المتفردين

هم لا أول ولا آخر ناس يدرسوا عربي

3)

يحلها الحلّال

ربنا يحلها

لازم تعرف إن لو مشكلة مالهاش حل النهاردا، بكرا إن شاء الله يحلها الحلال

4)

مش خساره فيك

تستحق حاجة

بما إنك نجحت مش خسارة فيك العربية..

5)

سيب شخص فى حاله

بلاش تضايقه

ليه بتزعق له؟ هو ذنبه إيه؟ ما تسيبه في حاله..

6)

إنت مال أمك

مالكش علاقة بالموضوع

واحد بيتكلم مع مراته… إنت مال أمك؟ إيه دخلك في الموضوع؟؟!!

7)

كان بيت ابوك؟!

دا مش بيتك

إنت بتطردني من الجامعة؟ ليه إن شاء الله؟ هو كان بيت أبوك؟

8)

ربنا يخليك يابيه

دعاء للشحاتة

ربنا يخليك يا بيه… إديني جنية.. دا أنا ماكلتش من امبارح.

9)

والله لأوريك

هتشوف مني حاجة وحشة (تهديد في المستقبل)

بقى ماتسمعش كلامي وأنا ماما؟؟ طيب والله لأوريك بس اما نروح بس..

10)

يا أبن الكلب ياوسخ

شتيمة وحشة

11)

غورى فى داهية

إمشي بعيد

ماتمشي بقى وللا تغور في داهية… أنا زهقت من وجودك…

12)

ماشى ياعم فنداااام

سخرية من الشاب

بقى كدا تضربني؟؟!! ماشي يا عم القوي.. ماشي يا عم فندام…

13)

فيها — إنما إيه، جامد أوى

تعبير عن المبالغة

برنامج كاسا دا فيه طلاب إنما إيه، جامدين أوي…

14)

نفسى غامه عليا

تعبير بتقوله الحامل لما بتكون عايزة ترجع

أنا دايخة ونفسي غامة عليا.. شكلي حامل…

15)

باينه زى الشمس

واضحة جداً

الحقيقة باينة زي الشمس والراجل دا أكيد كَدَّاب

16)

اتلهي على خيبه امك

أسكت/ إبعد (شتيمة)

إنت عبيط يا ابني؟! اتلهي على خيبة أمك واسكت..

17)

ياروح امك

يا حبيب أمك (شتيمة)

أنت فاكر نفسك مين يا روح امك؟! الرئيس يعني؟!

18)

خلى عندك دم

كون حساس

ماتخلي عنك دم وتهدى شوية.. إنت في مستشفى مش في الشارع!

19)

خد من دا كل يوم

دا بيحصل على طول

المدير بتاعنا دايما بيزعق.. ماتقلقش.. خد من دا كل يوم..