دي أجزاء مختارة من فيلم حين ميسرة عن الموضوع بتاعنا… في الفصل شوفوا الفيديو دا من غير ماتسمعوا الحوار…

نشاط 1: في 3 مجموعات إحكوا قصة الولد بطل الفيديو وإيه اللي حصل من وجهة نظركم. اتفقوا على حكاية واحدة وبعدين احكوها للفصل…

إلى أي مدى الحكايات متفقة..

دلوقتي اتفرجوا على الفيلم تاني بصوت واكتبوا أي ملاحظات تسمعوها من الفيلم تأيد قصتكم أو تنفيها…

نشاط 2: أسئلة الفهم:

1) ليه كمسري الأتوبيس قال “يا ولاد الحرام” لما شاف الطفل ويقصد مين بالشتيمة دي؟

2) ليه كامل معترض على تبني الطفل (أيمن)؟ وأيه الشرط اللي خلاه يوافق على التبني؟

3) إيه أكتر حاجة عجبت أيمن في مصر؟ وإيه الشرط اللي هيخلي أيمن يجي مصر كل أسبوع؟

4) إيه اللي خَلَّى كامل يتخانق مع أيمن في الدقيقة 1:37؟ وإيه رد فعل الزوجة؟

5) كامل في الدقيقة 2:00 قال لمراته “اتصرفي”.. هي اتصرفت إزاي؟

6) إيه اللي خلا أيمن يسيب بيت صاحبة وفاء (الزوجة) ويمشي في الدقيقة 3:23؟

7) إوصفوا بيت أيمن الجديد (الشارع)… وإيه رأيكم فيه؟

8) إيه الشغلانات اللي اشتغلها أيمن بعد ما عاش في الشارع؟

9) الولد اللي أيمن خبطه في الدقيقة 4:32 عمل إيه مع ايمن وصاحبته؟

10) إوصفوا شخصية أيمن من البداية للنهاية (شكلاً وموضوعاً).

11) تصوروا لو كامل ومراته كانوا ودوا أيمن ملجأ بدل بيت صاحبتهم، كان إيه اللي ممكن يحصل؟