الأسئلة الثقافية:

1) اسألوا مصريين: يعني إيه التعبيرات دي؟

” يا مربي في غير ولدك يازارع فى غير ارضك ” : …………..

“مش هارجع في كلامي” : …………..

“اتكل على الله” : …………..

“هو كان قتلك قتيل؟!” : …………..

2) اسألوا مصريين عن التبني في مصر وإيه الفرق بينه وبين كفالة اليتيم؟

3) سمعنا في الفيلم وكمان بنسمع في الشارع استخدام الأهل “أب / أم” في الشتيمة والتهديد وحاجات تانية.. اكتبوا الكلمات دي لما تسمعوها من الفيلم… تفتكروا معناها إيه؟ وهل ينفع نقولها؟ ولو هنقولها، نقولها لمين وإمتى؟

4) لو إنت مسئول في حكومة الإخوان إيه أول مشروع ممكن تعمله لمواجهة تفاقم المشكلة؟

للبحث والمناقشة:

1) هل فيه تبني في أمريكا؟ إيه قوانينه عموماً؟

2) هل فيه مشاريع حكومية في أمريكا مخصوصة للتعامل مع ظاهرة أطفال الشوارع؟

3) تفتكروا إيه دور الجمعيات غير الحكومية في الموضوع دا؟

4) ممكن تدوروا على النت عن مين أكتر دولة في العالم بتعاني من المشكلة دي ومين الدولة اللي ممكن نقول إن مافيهاش المشكلة دي؟