* أمثال شعبية

– الأمثال الشعبية عموماً بتلخص خبرات ناس مروا بتجارب متنوعة في جمل بسيطة سهلة في الحفظ وسهلة في الإلقاء كمان… طبعاً مش كل المصريين بيستخدموا الأمثال الشعبية في كلامهم بشكل مستمر..
– فيه ناس بتقول إن الستات بيستخدموا الأمثال أكتر من الرجالة!!

– وفيه ناس تانية بتقول إن كلما قل التعليم زاد استخدام الأمثال!!!
– أكيد فيه ناس عملت أبحاث كتيرة على الموضوع دا بس هنا، دا مش مجالنا…
– على كل حال اللي بيهمنا هنا هو إن مصريين كتير بيستخدموا الأمثال الشعبية باختلاف مستواياتهم الاجتماعية أو انتماءاتهم السياسية وكدا…
– حاجة كمان أحب أضيفها هي إننا عادة بنستخدم المثل في نهاية حاجة كنا بنتكلم عنها، يعني زي موضوع أو قصة، والمثل دا بيلخصها، وقبل ما نقول المثل بنقول “وقال على رأي المثل ………………..”

الخلاصة: قول (القصة – وقال على رأي المثل – المثل).

————————————————-

ثانياً: في التدوينة دي هتلاقوا:

1) أمثال من اختيارنا: ودي مجموعة أمثال شعبية مصرية مشهورة اخترنها وعلقنا عليها بصوت صديقتنا سايونارا بأسلوب بسيط وسهل ومختصر…

2) موسوعة الأمثال الشعبية المصرية: ودي وصلة لموسوعة الأمثال الشعبية المصرية وفيها معظم الأمثال بترتيب أبجدي ومنظم بس من غير تعليق صوتي…

3) أمثال قديمة جديدة: ودي مجموعة من الأمثال اللي اتغيرت شوية (بخفة دم مصرية) أثناء وبعد الثورة المصرية 2011…

4) المسابقة الطلابية للأمثال الشعبية: ودي مسابقة أمثال أسبوعية للطلاب اللي بيحبوا يجمعوا أمثال شعبية وفيها بنشوف الطلاب وصلوا ببحثهم في الأمثال لإيه ممكن يكون ممتع ليهم أو لينا كلنا.
———————————————–

وقالك إيه؟؟؟؟؟ قال على رأي المثل….