1- اتناقشوا في النقط دي:

– بشكل عام ومن خلال مشاهدتكو لفيلم الحفيد إيه أوجه الشبه بين العيلة المصرية والعيلة في بلادكو؟

– إيه رأيكو في الشباب اللي بيفضلوا في بيت العيلة لحد الجامعة وبعدها؟ وهل دا بيحصل في بلادكو؟
– إيه رأيكو في دور الزوجة في نموذج العيلة في الفيلم؟
– قارنوا بين الستات اللي في الفيلم وأنهي أكتر نموذج عجبكو وليه؟
– إيه هو أنسب سن للجواز في رأيكو؟
– إيه هو أنسب سن للإنجاب في رأيكو؟

2- اسألوا مصريين إذا كانوا بيستخدموا الأمثال دي واسمعزا منهم موقف بيشرح معنى المثل من وجهة نظرهم واحكوا عنهم في الفصل:
– ما ينوب اللي بيقسم إلا مصمصة صوابعه
– فيه ناس مطرح مايسري يمري
– فيه ناس زي العرسة تاكل وتنسى
– لما تقع الفاس في الراس (الفاس وقعت في الراس)
– يا ريت اللي جرا ما كان

3- اتناقشوا في معاني التعبيرات والجمل دي في الفصل:
1. يا اخويا (مين بيقولها لمين عادة؟)
2. اتشطري وهاتيلنا حاجة حلوة (يعني إيه حاجة حلوة هنا؟)
3. هو فيه أريح من ولادة البيت؟ (حولوا السؤال دا لجملة)
5. والله ما انا عارفة تعبانة وللا جعانة.. (استخدموا الجملة دي في سياقات تانية)
6. هو اللي عنده عيال يعرف الراحة؟! (حولوا السؤال دا لجملة)
7. والله ما حد مخسر العيال دول غيرك… (يعني إيه “خسر” هنا؟)
8. هي كانت اذنبت ولا كانت اذنبت يعني (استخدموا التعبير دا في سياقات تانية)
9. لما هم مش عايزين يخلفوا كانوا بيتجوزوا ليه؟! (اشرحوا الجملة دي)
10. فيه حاجة بينها وبين شفيق؟ (اسألوا مصريين على معنى السؤال دا ومعانيه المختلفة…)

4- الميلاد:
– إيه الاستعدادات اللي بتعملها العيلة لاستقبال المولود الجديد في ثقافتكو؟
– مين اللي بيعمل الاستعدادات دي؟
– إيه رأيكو في فكرة السبوع وهل هي مهمة؟
– إوصفوا السبوع زي ما شفتوه في الفيلم.

5- حضروا لحفلة سبوع مع بعض وشوفوا هايتكلف كام وممكن تشتروا الحاجات منين…