1-  “بقى”

لكلمة “بقى” أكتر من معنى…

1) بلاش عياط بقى

2) كفاية دلع بقى

3) بقى دي فانلة تلبسها يوم فرح بنتك؟

4) الليلة دي فرح بنتك وأنا بقى مش عايز أعكنن عليكي

5) تصبحي على خير بقى عايز أنام

6) عايز أرتاح بقى حتى لو الدنيا اتدربكت

7) يا بابا سامي بقى في الجامعة وانا بقيت في الثانوية العامة

8) بقى حضرتك تستكردني وتخليني أصرف ع البلكونة؟

في كل جملة من الجمل اللي فاتت كلمة “بقى” وضحوا معناها في كل جملة حسب السياق.

جمعوا الجمل اللي فيها كلمة “بقى” متشابهة في المعنى.

———————————————————————————————————————

2- “لازم” لكلمة لازم

ا) لازم = أكيد

لازم ما كانتش أول ولادة

لازم في العيال

لازم جوزها مش طايق يصبر

بـ) لازم = مهم جداً

لازم تشربي اللبن كله

لازم تذاكر عشان تنجح

لازم تخلي بالك من صحتك

2-   تدريب: غيروا كلمة “لازم” حسب معناها وعبدوا كتابة الجملة:

1. إنت لازم كنت سكران لما عملت الحادثة.
2. إنت لازم تسافر بالطيارة عشان تروح أمريكا من مصر.
3. مش لازم تروح الجامعة بكرا.
4. مامتك قلقانة عليك جداً إنت لازم اتأخرت بره البيت لمتأخر.
5. علي ما بيردش على التليفون لازم مشغول.
6. لازم تخس علشان تشترك في فريك الكورة.

—————————————————————————————————-