اتفرجوا على الجزء دا من فيلم “الحفيد” وبعدين جاوبوا على الأسئلة اللي بعد كدا…

1- حُطُّوا علامة صح أو غلط وقولوا ليه:

1. أحلام طلبت من جلال إنه يروح يتكلم مع شفيق.
2. نبيلة رفضت إن أبوها يروح لشفيق.
3. حسين عمل سلفة من الشغل.

2-   جاوبوا ع الأسئلة دي:

1. ليه شفيق رفض يروح لنبيلة لما طلب منه جلال دا؟
2. ليه نبيلة كانت عايزة تسقط نفسها؟
3. إوصفوا حالة كل أبطال الفيلم وقت ميلاد الطفل وعملوا إيه ساعتها؟
4. زينب وحسين اشتروا إيه من السوق؟

3-   اختاروا الإجابة الصحيحة:

1. أحلام راحت عند مامتها عشان

                          i.     زعلانة مع جلال

                         ii.     تقعد مع أختها نبيلة

                        iii.     تولد هناك

2. جيهان (زميلة سامي) زارت بيت العيلة عشان

                        i.     تبَشَّر سامي بنجاحه

                       ii.     تذاكر مع سامي

                      iii.     تعزمهم على خطوبتها

3. حسين أخد نبيلة وراحوا كازينو عشان

                        i.     نبيلة كانت زهقانة

                       ii.     حسين كان قلقان على بنته

                      iii.     البيت كان زحمة ودوشة

4-   مثِّلوا

حسين زعلان علشان بنته نبيلة وطلب من جلال إنه يروح معاه علشان يكَلِّم شفيق. جلال متذبذب شوية لكن زينب رافضة الموضوع دا تماماً. كل واحد فيكو يتبنَّى موقف شخصية ويحاول يقنع بيها الاتنين التانيين. في مجموعات من 3 مثلوا الموقف دا.