1- قام / يقوم
ده العدرا والمسيح لما هربوا جم مصر، نقوم إحنا نسيبها؟! (من الفيلم)
|
(نقوم + جملة) = إزاي نعمل كدا؟! حدث 1 / الفعل قام (في المضارع) / حدث 2 مخالف للمتوقَّع. (توحي باللوم أو الحسرة) |
أمثلة:
أ- زوجة: يعني استنَّاك ساعتين عشان نتغدَّى سوا تقوم انتَ واكل برّة.
ب-يعني بعد كل اللي أبويا عملُه عشاني أقوم أسافر وأسيبُه.
تدريب:
في مجموعات من 2، طالب 1 يعمل جملة يلوم فيها طالب 2 و في النهاية كل طالبين يختاروا جملة ويشاركوها مع باقي الفصل وعلى الباقي تصحيح الجملة لو احتاجت تصحيح.
——————————————————
1- عمَّال / عمَّالة / عمَّالين
عمّال يوصِّيني (من الفيلم)
|
عمّال / عمّالة / عمَّالين + مضارع بدون بـ التركيب دا بيستخدم للتعبير عن استمرارية حدوث الفعل |
أمثلة:
أ- سامية عمّالة ترغي طول النهار وسايبة شغلها.
ب-الموظفين عمالين يتظاهروا لغاية ما الشركة قفلت!
تدريب:
إيه الفرق بين الجملتين دول:
– الشركات اللي بتخسر بتحاول تقلل العمالة الزايدة عن حاجة الشركة بإنها بتفصل الموظفين الكبار في السن.
– الشركات عمالة تفصل الموظفين الكبار في السن لأنها بتخسر فلوس كتير.
——————————————————
2- على ما = على بال ما = عقبال ما
أسيبك على بال ما تشم نفسك (من الفيلم)
|
حدث 1 + (على ما = على بال ما = عقبال ما) + حدث 2 (بمعنى “إلى أن”) يبدأ الحدث 1 إلى أن يحدث الحدث 2 (بمعنى “في الوقت الذي”) يبدأ الحدث 1 ويستمر انتظارًا لوقوع الحدث 2 متأخراً. |
” على ما = على بال ما = عقبال ما ” بمعنى “إلى أن”
اشتغلت على ما جه. (ماضي) عملت إلى أن جاء.
باشتغل على ما يجي. (مضارع) أعمل إلى أن يأتي.
هاشتغل على ما ييجي. (مستقبل) سأعمل إلى أن يأتي.
اشتغل على ما ييجي. (أمر) اعمل إلى أن يأتي.
باستخدام كان: (حدث بدأ في انتظار رد فعل ولكن رد الفعل تأخر)
على ما اتكلم مبارك كان سقف المطالب عِلي.
على ما وصلت الجامعة كانت المحاضرة خلصت.
على ما تشرب الشاي يكون صحي.
على ما تيجي المطافي البيت هايكون ولَّع. (افتراضي)
تدريب:
– لاحظوا الفرق بين وجود “على ما” في المجموعتين.
– اوصفوا الجمل من حيث الزمن أي فعل حصل الأول وأي فعل ترتب عليه.
– اعملوا جمل باستخدام على ما / على بال ما / عقبال ما وصححوها مع بعض.
——————————————————
4- حوِّلوا الأفعال التالية لاسم فاعل وكوِّنوا سياقًا يُفهم منه معنى الفعل
|
صِقع – بِرِد – جاع – عِطِش – زِهِق – عِرِق – تِعِب – شِبِع – كسِّل – هِرِب |
……………………………………. …………………………………….
……………………………………. …………………………………….
……………………………………. …………………………………….
……………………………………. …………………………………….
……………………………………. …………………………………….
——————————————————
5- انفوا الجُمل التالية بطريقتين
- هبة قدَّامها ساعتين ع الأقل عشان تخلَّص الأكل.
- قدَّامنا شغل كتير.
- انتِ قدَّامِك حل من اتنين.
- انتوا وراكو 60 مشوار النهاردا.
- ورايا مليون حاجة النهاردا.
——————————————————
6- اسمعوا الجملتين دول واسألوا مصريين هم بيستخدموا أي واحدة من الاتنين أكتر وليه؟
- دا أنا لولا الظروف اللي إحنا فيها كنت اتجوِّزت على أمِّك.
- دا أنا لوما الظروف اللي إحنا فيها كنت اتجوِّزت على أمِّك.
——————————————————
7- “أنهي” (أحيانًا نقول أنْهُو)
مثال1: هتصلي في أنهى جامع؟
مثال2: هتروحوا أنهي مطعم؟
——————————————————
8- فاكرين الأمر باستخدام “ما+مضارع”؟ إيه معناه وإمتى بنستخدمه؟
مثال1: ماتسأل بنتك!
مثال2: ماتاكُل! انت مكسوف وللا إيه؟
مثال3: ماتمشي! انت مستني إيه؟
——————————————————
محطة كاسيك مصر- Caasic Egypt Broadcast 
اترك تعليقًا