اللي:
الناس اللي في الأتوبيس دا هينزلوا المحطة الجاية.
الطالب اللي هيذاكر هينجح.
أنا إديت الشنطة للست اللي قاعدة جنبي.
انت عايز تسكن في البيت اللي جنب المترو وللا البيت اللي على الناصية؟
هو دا اللي في بالي وخيالي.
فين المدرس اللي دايقك؟؟؟
الراجل اللي شايل المكتب دا صاحبي.
الست اللي فوق نطت م الشباك!
بقى أنا فلول؟؟!!! طب أهو إنت اللي فلول. إيه رأيك؟
ملاحظة: اسم معرفه + اللي + اسم نكرة / شبه جملة / جملة (اسمية/ فعلية)
————————————————-
دا الكتاب اللي اشتريته امبارح.
دا الولد اللي باباه جاب عربية جديدة.
ليه ما بتسمعش الكلام اللي بقولهولك.
ملاحظة: اسم معرفة + اللي + فعل / اسم + ضمير العائد على الاسم المعرفة.
————————————————-
اللي يخاف م العفريت يطلع له.
اللي اتلسع م الشربه ينفخ في الزبادي.
اللي انت تشوفه صح هو الصح.
اللي شايف نفسه قوي لازم يعرف إن ربنا أقوى منه!
ملاحظة: الجمل دا عامة. (اللي هنا بمعنى “الشخص اللي” (اللي + جملة (اسمية/ فعلية) )
————————————————-
كُل اللي يعجبك والبس اللي يعجب الناس.
إعمل اللي انت عايزه.
ملحوظة: فعل أمر + اللي + جملة (اسمية/ فعلية)
————————————————-
تدريبات:
إوصفوا الصور دي… بس قلولولنا بتتكلموا عن أنهي صورة؟؟؟ وبتتكلموا عن مين في الصورة؟؟؟ ممكن تحددوا أكتر؟؟
محطة كاسيك مصر- Caasic Egypt Broadcast 
اترك تعليقًا