1- من + و + ضمير = منذ . مثال : بيحبوا بعض مِن و هم صغيَّرين

2- (و) لمّا هو/هي + اسم … ، ليه …
مثال : لما هو حفلة في بيت ، ليه لابس بدلة
(و) لمّا + ضمير + فعل / اسم فاعل.
مثال : و لما انت عارف إنه عيد ميلاد عادي ، لابس بدلة ليه ؟
تركيب يستخدم للاستنكار

3- النفي بـ لا و لا .
مثال: اللبس دا (لا) ينفع يتلبس في الجامعة و (لا) في النادي

4- يا …………….. يا …………….
يا إمّا …………. يا إمّا ………….
مثال: يا (إما) تروح النادي يا (إما) تروح الفرح

5- و+ ضمير بمعنى while :
و + ضمير + بـ + فعل
جملة (فعلية / إسمية) (+)
و + ضمير + اسم فاعل
مثال: أحمد بياكُل و هو بيسوق .
أحمد بياكُل و هو سايق .

6- كل + (وقت) + (فعل مضارع) + (اسم المرّة) + شَكْل
كل يوم ناكل أكلة شَكَل / كل يوم نخرج خروجة شكل / كل يوم نتفسَّح فسْحة شكل

7- طول ما = as long as
( طول ما + ضمير+ فعل / اسم فاعل) ، جملة
مثال: طول ما أنا فاضي ، بأحب اقرا
مثال: طول ما أنا باذاكر ، بأحب أسمع مزّيكا
( طول ما + ضمير+ شبه جملة) ، جملة
مثال: طول ما أنا في إسكندرية ، بأحب اصطاد

8- لاحظوا نطق ( حوالـ + الضمير )
مثال: في شقتي الجديدة ، حواليا ﭭيلل كتير
(حواليّا ، حوالِك ، حوالِكي ، حواليه ، حواليها ، حوالينا ، حواليكوا ، حواليهم)

9- لاحظوا صيغة الأمر دي:
( ماتـ قول ، ماتـ قوم ، ماتـ روح ، ماتـ ردّ ، ماتـ تكلِّم ، ماتـ شرب ، ماتـ تكتب ، ماتـ نام )
الأمر هنا بمعنى : لماذا لا تفعل هذا؟
مثال: ماتـقول ! = لماذا ا تتكلّم ؟!
ماتشرب ! = لماذا لا تشرب ؟!
ماتنام ! = لماذا لا تنام ؟!