محطة كاسيك مصر- Caasic Egypt Broadcast

CAASIC Advanced Arabic Language Materials

– إشارات ثقافية 1

الإشارات الثقافية:

1- اسألوا المصريين عن قصص حقيقية لمشاكل زوجية (تدخُّل الأهل، الغيرة، الشكّ، أسباب اقتصادية…)

2- لاحظوا الألقاب دي و حددوا معناها:
يا ابني (4-5) ، ياواد (5-6) ، يا معلِّم (10-11) ، الحلو رامي ودنُه (10-11) ، دا يا ستّي (13-14) ، يا ضنايا (16-17) ، نعم يا أختي (19-20) ، يا أخي (22-23) ، يا هانم (22-23) ، الأستاذ تيمور (31-32)
– يا ترى إيه الألقاب التانية اللي بنسمعها بين المصريين؟

3- لاحظوا الحوار دا :
سارة: أنا خارجة مع اشرف صاحبي
الأب: إيييييه ! صاحبِك إيه إن شاء الله ؟!
تفتكروا الأب زعلان ليه ؟

4- الجامعة الأمريكية:
مثلوا الاسكتش دا: (بنت من طبقة اجتماعية بسيطة حصلت على منحة دراسية في الـ AUC / أم فرحانة لكن شايلة همّ مصاريف اللبس / أب أزهري محافظ جدًا / خطيب البنت خايف البنت تتغير)

5- تيمور (الراجل) قال هو اللي من حقُّه بس يقرر إمتى يتصالحوا و إمتى يتخاصموا. علّقوا على الموضوع دا.

6- احكوا عن تجاربكو الشخصية في الخِصام و إزاي في مجتمعكو بتصالحوا بعض و إيه التعبيرات المستخدمة للصُلح (تعبيرات مهمة : صافي يا لبن / حليب يا قشطة)

7- لاحظوا من خلال الفيلم و اسألوا المصريين عن استخدامهم لـ كلمة ” الله ” في حياتهم.

8- لاحظوا من خلال الفيلم و اسألوا المصريين عن استخدامهم لـ كلمة ” لامؤاخذة ” في حياتهم.

9- قراية الفنجان
أ- اسألوا مصريين عن موضوع قراية الفنجان و دوّروا على حد بيعرف يقرا الفنجان و اسألوه:
– مين اللي علمُه؟
– هل الحاجات اللي بيقولها و بتحصل فعلاً؟
– بياخد فلوس على الموضوع دا و لا للتسلية بس؟
– هو مؤمن بالكلام دا؟
ب- اتفرجوا على اللينك دا لغاية الدقيقة 4:30 واعملوا اسكتش زي ما مكتوب تحت..

– اعملوا سكتش: واحد يقوم بدور قارئ الفنجان و التاني واحد رايح يشوف بختُه.

10- تيمور قال ” ماينفعش أكون غير سي السيد ” (27-28)
دوروا على الإنترنت على ملامح شخصية ” سي السيد ” و إزاي اتعالجت سينمائيًا.

11- واضح من الفيلم إن تيمور عايز يمنع شفيقة من حاجات كتير. تفتكروا ليه و إيه رأيكو؟ لو انتَ مكانُه حتعمل إيه ؟ و لو انتِ مكانها حتعملي إيه؟

12- شفيقة وافقت إنها متخرجش بناءًا على تعليمات تيمور و ماقبلتش الشغل إلا لما تيمور وافق و كمان هي قالت أكتر من مرة إن تيمور هو أمانها الوحيد. هل دا إحساس بالأمان و الأنوثة أم إحساس بالضعف و العجز.

13- قاعدة صُلح:
( راجل مش عايز مراتُه تستمر في شغلها اللي هي ناجحة فيه ، ولادُه (مؤيد / معارض) ، استعان بـ جارة بتعرف تقرا الفنجان ، جارة موظفة (مؤيدة / معارضة) ، جارة ست بيت ( مؤيدة / معارضة ) ، رجل دين +) (مؤيد / معارض)

14- خمِّنوا معنى التعبيرات دي: نستهدى بالله و نصلي ع النبي (13-14)

15- الحلفان: وحياة عمّ ميمون ، ورحمة أبويا و أبوكي (7-8)

16- علّقوا على طريقة قراءة أم تيمور لـ اللغة الفصحى (8-9)

Advertisements

No comments yet»

اترك رد

Please log in using one of these methods to post your comment:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: