ثانياً :الشعر العامي

قصيدة  : ايوه باغــير

http://www.tefanet.net/vb/showthread.php?t=27546
هشام الجخ

لا انانقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس باغير

واللي قالولك غيرة الراجل قِلّة ثقة او قلةفَهم
خَلْق حمير

غيرة الراجل نار في مَرَاجِل
نار بتنوّرمابتحرقش
واحنا صعايدة مابنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها
اصلنا ناس على قدالطيبة
كلنا هيبة

والنسوان في بلادنا جواهر
طب لو عندك حتةماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل
اللي لا ليه اخر ولا اول
اللي طلعت لقيتني صعيدي

لوكان بايدي
كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟؟ هو انا كلب ؟؟

ثم العبرة ماهيَش في اللبس
اصل المشكلة عَندك .. عٍندك ..
قلت حاسيبها وبكرة تحس
بعده تحس
بعده تحس
ده انا لو جبس كنت زعقت
ماشي صداقة وماشي زمالة
بس ماجَتْش على الرجالة

ماهي نسوان الدنيا كتير
وانا ما بقولش تخاصمي الناس
ولاتِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود علىجيدك
واني تعبت من التفكير
واني بغير

أيوةبغير

المفردات

التعبيرات :

مناقشة القصيدة :

1-    هي إيه مشكلة الشاعر ؟

2-    ايه الأحاسيس اللي مالية حياته في اللحظة دي ؟

3-    الغيرة حرام ولا حلال في رأي الشاعر ؟

4-    إيه الصراع اللي داير جواه ؟

5-    تفتكر حبيبته ممكن تكون عملت إيه علشان تخليه يكتب قصيدة زي دي ؟

6-    ايه اللي فهمته عن معتقدات الشاعر وأفكاره ؟

7-    هل قدرت تستشفّ حاجة عن خلفيته الثقافية و الإجتماعية من خلال أفكاره ؟ إثبت فكرتك بأبيات من القصيدة .

8-    إيه سمات المجتمع اللي الشاعر جاي منه ولو هو كان ينتمي لمجتمع مختلف كان تعبيره عن إحساسه بالغيرة هيختلف ؟

9-    الشاعر قال ” ينعل أبو اليوم الأكحل ———- اللي طلعت لقيت نفسي صعيدي “تفتكر هو ليه بيقول كدا ؟

النشاط :

مثّلوا:

1- امرأة متحررة تؤمن بفكرة الزمالة تعيش في مشاكل دائمة مع زوجها بسبب الغيرة العمياء التي تتولد منها الشك.

2- الزوج صعيدي قِفل و يرفض تصرفاتها بسبب خلفيته.

3- زوج و زوجة من الأصدقاء يحاولون الصلح بينهم (الزوج مدرّس و الزوجة مدرّسة في نفس المدرسة )