الأغنية دي ساخرة واتقدمت في نهاية السبعينات أوائل التمانينات وبتتكلم على صعوبة الجواز ومسؤلياته… كلمات الأغنية لصلاح جاهين والألحان لهاني شنودة والغناء لفرقة المصريين بقيادة هاني شنودة…

متحسبوش يا بنات أن الجواز راحة
و متزعلوش يا بنات أن قولنا بصراحة
أن الجواز عمره عمره ما كان عمره ما كان راحة
***
قولوا لنا يا نصاح مين فى الحياة مرتاح
حتى الحمام اللى طاير عنده تعب فى الجناح
***
حلم السعادة الجميل من منبعه السلسبيل
ميهمهوش لو يسيل على صخر أو تفاح
***
ومهما نتعب نقول تعب الحبيب راحة
***
متحسبوش يا بنات أن الجواز راحة
و متزعلوش يا بنات أن قولنا بصراحة
أن الجواز عمره عمره ما كان عمره ما كان راحة
***
مهما تقولوا لنا عليه رجلينا رايحة اليه
و اللى يحب الحلاوة لابد يلسع ايدية
***
لابد من بعض نار ونص درهم مرار
ولما ييجوا الصغار القلب ترقص عنيه
***
ومهما نتعب نقول تعب الحبيب راحة