محطة كاسيك مصر- Caasic Egypt Broadcast

CAASIC Advanced Arabic Language Materials

– يا هناه (حمزة نمرة)

حمزة نمرة مغني وملحن مشهور من قبل الثورة لأنه عمل أغنية عن خالد سعيد ونشرها على اليو تيوب واشتهر أكتر بعد الثورة المصرية لأنه كان في الميدان من أول يوم مع الشباب. هو بيعتبر ممثل حقيقي للجيل الجديد الواعي من الشباب المصري… فيه بعض الناس وصفته بإنه مغني ديني لكنه رد وقال لو الغنا المحترم بتوصفوه ديني… فأنا مغني ديني لكل الأديان.
أما مؤلف الأغنية فهو محمود فاروق..
الأغنية دي بتتريق على حال التعليم في مصر يعني هي أغنية ساخرة…

كلمات الأغنية:

مين قال العلام … فى بلادنا قديم
لا داحنا تمام … اه والله العظيم
ياهناه … يا هناه … اللى يتعلم عندنا ..!
سلاح التلميذ … موجز ولذيذ
نماذج اجابات … مافيهاش تحفيظ
ياهناه … يا هناه … اللى يتعلم عندنا ..!
ابله عطيات … بتاعة الدراسات
هتغيب اسبوع … هيصوا ياولاد
ياهناه … يا هناه … اللى يتعلم عندنا ..!
يونيفورم جنان … شغل ستاير
والياقة ساتان … دايرن داير
ياهناه … يا هناه … اللى يتعلم عندنا ..!
استاذ عصفور … ده الامبراطور
لو علمى علوم … عديت فورشور
ياهناه … يا هناه … اللى يتعلم عندنا ..!
قالوا فى اوروبا العلام … جامد اوى وفى السليم
معلش بقا فى الكلام … داحنا الجديد والقديم
ياهناه … يا هناه … اللى يتعلم عندنا ..!
ده علينا فصول … سيراميك بالطول
والحمام ايه … دايما مغسول
ياهناه … يا هناه … اللى يتعلم عندنا ..!
والكل اخوات … فى الامتحانات
وسؤال بسؤال … خد منى وهات
ياهناه … يا هناه … اللى يتعلم عندنا ..!
والناظر ياه … بلسم يا ولاده
راخر محبوب … لله فـ الله
ياهناه … يا هناه … اللى يتعلم عندنا ..!
رزقك موجود … رغم الشهادات
وباذان الله … مندوب مبيعات
ياهناه … يا هناه … اللى يتعلم عندنا ..!
والوضع جميل … انا متفائل
عندنا هتشوف … مستوى هايل
ياهناه … يا هناه … اللى يتعلم عندنا ..!
لو شوفت زبون … خطوته جايباه
قلبه دليلهسيبُه على عماه
ياهناه … يا هناه … اللى يتعلم عندنا ..!

أسئلة مقترحة للمناقشة:

– خمنوا معاني الكلمات اللي مكتوبة بالخط المختلف.
– هاتوا تعبيرات بدل التعبيرات دي في الأغنية (والله العظيم/ يا هناه/ في السليم/ معلش بقى في الكلام/ دا علينا…/ حد مني وهات/ لله في الله/ قلبه دليله/ سيبُه على عماه)
– لو فكرنا نعمل أغنية باستخدام المفردات اللي في الأغنية دي بس عن السكن في مصر مثلاً “يا هناه اللي يسكن عندنا”… ممكن نقول إيه؟

Advertisements

No comments yet»

اترك رد

Please log in using one of these methods to post your comment:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: