تأليف صلاح جاهين وغناء سعاد حسني
البنات البنات .. الطف الكائنات
غنوا يا تلميذات .. تافاتيفى تاتاتاااااا
قولوا يابختنا .. يابختنا يابختنا
قد ايه كلنا .. كلنا كلنا
فرحانين اننا
اتولدنا بنااااات
—
البنات حنينين .. كلهن طيبين
همهم خدمه بلدهم .. زيهم زى البنين
البنت زى الولد .. ماهيش كمالة عدد
في الاحتمال و الجلد .. مذكوره ف المعجزات
—
البنات ناصحين تمام .. يسألو الحاجه بكام
ينفعوا وزراء ماليه .. وإقتصاد مافيش كلام
البنت عين أمها .. وأبوها بيحبها
والكل معجب بها .. في الحي والبلكونات
—
ياسلام على البنات .. الأروبه المدهشات
ذاكرات فوتوغرافيه .. كمبيوتر معلومات
يابنت يامؤدبه .. ياحلوه يامرتبه
وفي حتة الموهبه .. كم فينا من مبدعات.
محطة كاسيك مصر- Caasic Egypt Broadcast 
اترك تعليقًا