الأغنية دي ظهرت في فيلم غرام في الكرنك وهي من أشهر الأغاني اللي اتعملت عن الأقصر كمدينة سياحية… الأغنية والفيلم والاستعراض من إنتاج الستينات من القرن اللي فات… والاستعراض بتاع الأغنية كان بتأديه فرقة رضا الاستعراضية وكان دا من أهم أفلام الفرقة دي…

الكلمات:
الأقصر بلدنا ..
أغنية لمحمد العزبي ترقص عليها الدنيا :

الأقصر بلدنا .. بلد سوّاح
فيها الأجانب تتفسّح

وفي كل عام وقت المِرواح
بتبقى مش عاوزة تروّح .. وتسيب بلدنا

***
على أرضها إتمخطر يا أسطى
بالمبسوطين آخر بسطة
ولف بينا .. أي والله
أجمل مدينا .. صحيح والله
مش برضه منها؟
– انا من الواسطى ( الواسطى مدينة مصرية )
– نردهالك في الأفراح .. ومهما تبعد وتروّح برضه ف بلدنا

***
الأقصر بلدنا على الخارطة
ينحط من تحتها شَرطَة
شايفين مكانها .. أي والله
مابين جيرانها .. أي والله
زي الشموع حوالين تورتة

والشمس تطلع كل صباح بفرحة ..
وبدمعة تروّح .. لفراق بلدنا
***
في كل نظرة حوالينا
تِحلّوْ أكتر في عنينا
والكل زارنا .. صحيح والله
وشاف آثارنا .. وشاف والله
ومسيرنا عنها مايوم نرتاح
ولانفرح إلا لما نروح
تاني لبلدنا .