محطة كاسيك مصر- Caasic Egypt Broadcast

CAASIC Advanced Arabic Language Materials

– لو

الأغنية دي للمغني المشهور محمد فؤاد وظهرت في التسعينات وكان أكتر حاجة بتميز أغاني محمد فؤاد هي الفيديو كليبات بتاعته… فمثلاً الكليب بتاع الأغنية دي بيقدم قصة حب وإحنا بنشوف تاريخ القصة دي والشخصيات اللي فيها… يعني الصورة في الأغنية غنية جداً لأنها بتظهر جوانب كتيرة موجودة في الطبقة المتوسطة في المجتمع المصري… شوفوا كمية الأحداث اللي بتحصل في الكليب اللي مالهاش علاقة بكلمات الأغنية إلا قليل جداً…

الكلمات:
كل واحد مننا ليه ماضي ليه ذكري …
قلبك أسي ولا نسي أكيد عنيك فاكره
هابعد وأسيبك للزمن والدنيا ولبكره ,,,
ولو عايز تفتكرني غمض عينك دقيقه وانت تلاقي الحقيقه
آه لو
رجعت شريط حياتك … قلبت في ذكرياتك ..
رجعت شريط حياتك … قلبت في ذكرياتك
هتلاقي حبيب وفي لك حقق لك كل أمالك
ياما شال البسمه من فوق شفايفه عشان يديهالك
كان هوه الدفي والبرد … كان في حضنه جناين ورد ..
كان حابب فرحك في وقت جرحك كان يبكي بدالك
ولو عايز تفتكرني غمض عينك دقيقه وانت تلاقي الحقيقه …
آه لو
رجعت شريط حياتك … قلبت في ذكرياتك
لو انت حبيبي بجد
كنت عاتنبي تعالي حاسبني قبل ماتبعد ولا تسبني لوم واعتب عليه
لو انت حبيبي
بجد ماتسبنيش ماتبعنيش ماتخليش الدنيا انت وهيه عليه
لو انت حبيبي
ماتتخلاش عن قلبي في جرحه تبقي معاه في عذابه والمه وفرحه
وزي ماكان بيسامحك قلبي ماكنت تسامحه …
ولو عايز تفتكرني غمض عينك دقيقه وانت تلاقي الحقيقه …
آه لو
رجعت شريط حياتك … قلبت في ذكرياتك
هوه عشان حبيتك واتمنيت وهويتك
أدفع تمن الحب عذابي وسهر الليالي
ولا عشان مش قاسي أعز حبايبي وناسي
يجرح فيه تبكي عنيه مايحسش بحالي
انا مش هقدر الومك علي اللي عملته معايا ..
انا وعنيه وقلبي هنرضي بأي نهايه
همشي واسيبك للأيام وحسابها كفايه …
ولو عايز تفتكرني غمض عينك دقيقه وانت تلاقي الحقيقه … آه لو

Advertisements

No comments yet»

اترك رد

Please log in using one of these methods to post your comment:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: