محطة كاسيك مصر- Caasic Egypt Broadcast

CAASIC Advanced Arabic Language Materials

– يا صحابي وصحباتي

في نوفمبر من كل سنة بيحتفل المصريين بأعياد الطفولة وفي الثمانينات والتسعينات كان فناينين كتير بيقدموا أغاني وأوبريتات ومسرحيات للأطفال ومن أشهر الفناين دول كانت صفاء أو السعود… وهي فنانة مصرية شاملة اشتهرت في الفترة دي بأغاني الأطفال… ودا جزء من أوبريت طويل قدمته في التسعينات…


الكلمات:

يا أصحابي وصحباتي هنا ومحلك سر
بصوا وشوفوا حاجاتي إنما إيه في السررررر
عندي فرشة قروبة لها شعر صغنون
ومعاها أنبوبة بتطلع معجون
آخد من ده على دي وألمع أسناني
وأسلك ع الهادي وأرجع ألمع تاني
الصف الفوقاني من فوقه لتحتيه
والصف التحتاني من تحتيه لفوقيه
وبكده لا بتتلوث أسناني ولا تسوس
وتلالي ابتساماتي وأضحك كر كرررررر

يا أصحابي وصحباتي هنا ومحلك سر
بصوا وشوفوا حاجاتي إنما إيه في السررررر
عندي صابونة شقية مكارة ولعبية
لما بغسل وشي بتشعوطلي عينية
وأما بغسل إيدي تتزفلط في إيدية
تتزفلط تتنطط أو تسقط في المية
آه منك يا صابونة يا شقية يا مجنونة
بتقلي وتقلي لما حتبقي ملي
ويا ريتك ما تكشي إلا لما اغسل وشي
رغي يا حلوة وهاتي ده أنا عمري ما هـ فررررر

يا أصحابي وصحباتي هنا ومحلك سر
بصوا وشوفوا حاجاتي إنما إيه في السررررر
عندي فوطة وفوطة يا سلام على فوطيني
دي فوطة صغنطوطة بصابونتي تحميني
ودي فوطة ممطوطة بعد كدة تغطيني
أطلع وأنا مبسوطة ومشطي دا هو في يميني
وتسرحلي سنانه ما هو لازم وضروري
حتي لو بجنانه عضعضلي في شعوري
ولا أدمع ولا أعيط ولا أصرخ وأظيط
ويا محلى فيونكاتي لونها دهب مصفر

يا أصحابي وصحباتي هنا ومحلك سر
بصوا وشوفوا حاجاتي إنما إيه في السررررر

Advertisements

No comments yet»

اترك رد

Please log in using one of these methods to post your comment:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: