أغنية كان فيه فراشة من مسلسل مبروك جالك ولد
غناء: نيللى
اداء تمثيلى للطفل: شريف محسن
كلمات: سيد حجاب
ألحان: عمار الشريعى
انتاج عام: 1978
اخراج: فهمى عبد الحميد
الكلمات:
كان فيه فراشة صغنططة مفرفشة ومزقططة
لابسة بلوزة منقطة على جونلة مخططة
منقطة ومخططة
وسط الجنينة لمحتها وهيه طايرة فى الهوا
ناديتها بصت تحتها قلتها تيجى نلعب سوا
قالتلى طيب ياسمك إيه أنا هاستخبى وأختفى
فى أى مطرح هلتقيه وإن كنتى شاطرة تعرفى
قلتلها طب يلا العبى ياأم جناحات ملونة
يلا ياحلوة جربى هاتروحى فين منى أنا
طارت وغابت فى الشجر وعند أشجار اللمون
غابت تمام عن النظر ولونها تاه بين الغصون
بصيت بعينى ما شفتهاش من الشجر ماعرفتهاش
كان الورق ستر وغطا أنا قلت لأ مابدهاش
مديت إيديا للغصون وبسرعة هزيتها أوى
لقيت جناح بألف لون بينفرد وينطوى
فضلت كتير متنططة وهيا طايرة مزقططة
أما فراشة صغنططة لابسة بلوزة منقطة
كان فيه فراشة صغنططة لابسة بلوزة منقطة
على جونلة مخططة
محطة كاسيك مصر- Caasic Egypt Broadcast 
اترك تعليقًا