محطة كاسيك مصر- Caasic Egypt Broadcast

CAASIC Advanced Arabic Language Materials

أرشيف لـ– دروس كتاب أم الدنيا

-موضوع المناقشة “هجرة العقول”

دي فيديوهات عن هجرة العقول علشان تتناقشوا فيها في الفصل…

فيديو 1: هجرة العقول العربية
فيديو 2: لماذا هجرة الأدمغة؟

الإعلانات

1) تقديم أفعال الكسرة – كسرة في الماضي والمضارع (إثبات ونفي).

شوفوا التقديم دا واتدربوا على تصريف ونطق الأفعال زي ما هي موجودة في التقديم…
ممكن تسجلوا الأفعال اللي تختاروها وتبعتوها للمدرس بتاعكم..

لمشاهدة أفضل أدخلوا على الوصلة مباشرة من الـyoutube في أسفل الفيديو!

2) ياللا نغني الأفعال (أغنية تصريف الأفعال).

دي تلات أفعال متصرفة في الماضي والمضارع والمستقبل مع إيقاع لطيف… أسمعوا الفعل نزل في الماضي كذا مرة علشان تاخدوا على الإيقاع “الريتم” وبعدين في باقي التسجيلات فيه وقت علشان تقدروا تكرروا الأفعال مع الموسيقى بصوتكم…

في النهاية هتلاقوا ملف صوت فاضي فيه الإيقاع بس وعلى كل حد فيكو إنه يسجل الفعل اللي يحبه ويبعته للمدرس بالريتم…

تصريف الفعل نزل

ماضي:

مضارع:

مستقبل:

—————————————————————————-

تصريف الفعل مسك

ماضي:

مضارع:

مستقبل:

—————————————————————————-

تصريف الفعل لعب

ماضي:

مضارع:

مستقبل:

—————————————————————————-

الإقاع من غير أفعال: 

3) قصة في قسم الشرطة. (فِـ لـ ئِسْم)

اسمعوا القصة دي وكرروها ولاحظوا الأفعال اللي بللون الأحمر واللي تحتها خط…

نسمة وباباها سِمعوا الخبط الجامد على الباب قِلقوا جداً. باباها مِسِك إيدها وطَمِّنْها بس هو عِرِف إن دي مش خبطة عادية.. دي خبطة البوليس. دخل يِلْبِس نضارته ويِشْرَب شوية مَيَّة ورِجِع عشان يفتح الباب لَقَى البوليس بِيْرَكِّب مدام نسمة في البوكس عشان بِتِسْهَر كل يوم لحد وش الصبح هي وصحابها  فجيرانها اشتكوا بعد ما زِهْقوا وقِرْفوا من دوشتها. جِرِي باباها وراها على البوكس لحد القسم وفِضِل يعتذر للظابط ويقول له: معلش احنا غِلِطْنا يا بيه، أنا تِعِبت من كُتر كلمة معلش.. خالد شاف نسمة قُدام الظابط قعد يضحك وهو بيقول إنها حقاً عائلة محترمة.

أسئلة صح وغلط:

1) الباب ما كانش بيخبط (    )
2) نسمة وباباها كانوا هاديين لما سمعوا صوت الباب (    )
3) البوليس سلم على نسمة وسابها مع عيليتها في البيت (    )
4) الجيران كانوا متضايقين من نسمة وعمايلها (    )
5) بابا نسمة كان مكسوف من  البوليس (   )

– تفتكروا ليه خالد ضحك لما شاف نسمة؟

2) عيد ميلاد نسمة

اسمعوا القصة دي وكرروها كتير جداً وبعدين سجلوها وابعتوها للمدرس لتصحيحها…

دلوقتي جاوبوا على الأسئلة دي:
1) نسمة متعودة تعمل عيد ميلادها فين؟
2) ليه غيرت خطتها السنة دي؟
3) هي بتعمل إيه قبل بداية عيد الميلاد؟
4) إيه اللي بيحصل أثناء الحفلة؟
5) تفتكروا ليه البوليس بيخبط؟؟؟

استخدموا النص دا لمساعدتكم في متابعة القصة  وحفظها لو حبيتو…

النص كامل: كل سنة نسمة بتعمل عيد ميلادها في سفينة على النيل، بس السنة دي عايزة تعزم ناس كتير. المرة دي هي بتفكَّر تعمل حفلة في البيت ودلوقتي هي بتطبخ أكل كتير وبتبعت دعوات لأصحابها وبتغسل الستاير. كل شيء دلوقتي جاهز…
الساعة بقت 9 بالليل، منى صاحبة نسمة بترسم على وشوش أطفال العيلة ومامة نسمة بتقعد مع الضيوف ونسمة بتقطَّع التورتة، وهي بتطفِّي الشمع، كان البوليس بيخبَّط على الباب!!!

النص مقسم لجمل قصيرة:

كل سنة نسمة بتعمل عيد ميلادها في سفينة على النيل،
بس السنة دي عايزة تعزم ناس كتير.
المرة دي هي بتفكَّر تعمل حفلة في البيت
ودلوقتي هي بتطبخ أكل كتير
وبتبعت دعوات لأصحابها وبتغسل الستاير.
كل شيء دلوقتي جاهز…
الساعة بقت 9 بالليل،
منى صاحبة نسمة بترسم على وشوش أطفال العيلة
ومامة نسمة بتقعد مع الضيوف ونسمة بتقطَّع التورتة
وهي بتطفِّي الشمع كان البوليس بيخبَّط على الباب!!!

النص بدون معظم الكلمات حاولوا تكملوا الكلمات من الذاكرة: 

— —- — بتعمل —- —- —- —– —-  —-،
بس —– —- عايزة تعزم —- —.
— — — بتفكَّر تعمل —- — ——
——- —– بتطبخ —- —-
وبتبعت —– ——- وبتغسل ——–. — — —— —-…
—– — — ——، — —— —— بترسم —– —-
——- —–
—— —— بتقعد — ——- —– بتقطَّع ——،
—- بتطفِّي —–……
— —— بيخبَّط — —–!!!

– المجموعة التانية

المجموعة دي بتركز على أفعال الكسرة كسرة
وهنا هنعرض تقديم عن الأفعال دي في المضارع في الإثبات والنفي وكمان الماضي إثبات ونفي وبعد كدا هنقدم قصة بنستخدم فيها مجموعة من الأفعال دي…
1) تقديم أفعال الكسرة – كسرة في الماضي والمضارع (إثبات ونفي).
2) ياللا نغني الأفعال (أغنية تصريف الأفعال).
3) قصة “في قسم الشرطة”. (فِـ لـ ئِسْم)

2) تقديم أفعال الفتحة فتحة في المضارع (إثبات ونفي).

شوفوا التقديم دا واتدربوا على تصريف ونطق الأفعال زي ما هي موجودة في التقديم…
ممكن تسجلوا الأفعال اللي تختاروها وتبعتوها للمدرس بتاعكم..

لمشاهدة أفضل أدخلوا على الوصلة مباشرة من الـyoutube في أسفل الفيديو!

%d مدونون معجبون بهذه: