محطة كاسيك مصر- Caasic Egypt Broadcast
CAASIC Advanced Arabic Language Materialsأرشيف لـثورة 25 يناير 2011
– قالوا مجنون اللي يفكر
– الإعلان دا اتشهر جداً لإنه بيضم فنانيين مصريين محبوبين بين الشعب وبغنوا أغنية بسيطة وجميلة في نفس الوقت… وعشان كدا فرقة تاكسي استخدمت موسيقة الإعلان دا في أغنيتين بيسخروا من مواضيع سياسية قبل وبعد الثورة…
أولاً الإعلان:
كلمات الإعلان:
قالوا مجنون اللي يفكر الدنيا فيها أكتر طب فين وإزاي ولمين؟
قالوا مجنون حد يخلي دقيقة بتسعتاشر بدل تسعة وتلاتين
قالوا ع اللي جالنا وقال بجنيه وبس التجوال ما هو قالك يس وسط ناس رافضين
قالوا مجنون اللي يرجع للقرش تاني قيمته وكل الناس ناسيين
قالوا معقول حد يفكر الناس آخر المكالمة ويقولك كام دقيقة فاضلين
قالوا مجنون اللي يحلم ويقول فيه شبكة أجمد ويقنع ناس متغطيين
قالوا الناس مجانين وبقينا خمستاشر مليون في تلات سنين
لما نشوف في الدنيا أكتر مانبقاش مجانين نبقى متفائلين…
الدنيا لسة فيها أكتر
———————————————————
أغاني الفريق اللي على نفس الموسيقى.
1) أغنية قبل الثورة:
2) أغنية بعد الثورة:
– منصورة يا مصر
دي أغنية كتبها تميم البرغوتي في الذكرى الأولى للثورة المصريةو فيها اعتراض صريح على ممارسات السلطة العسكرية في خلال سنة من حكمهم من خلال المجلس العسكري..
ولحنها وغناها مصطفى سعيد ومع بعض الشاعر والملحن بيحاولوا يكرروا الثنائي الأقدم للشاعر أحمد فؤاد نجم والشيخ إمام اللي لحد دلوقتي أغانيهم بتعبر عن الثورية والتمرد والحرية…
كلمات الأغنية: (فيه بعض الكوبليهات محذوفة من الأغنية وبالتالي حزفناها من الكلمات دي)
منصورة يا مصر مش بجميلة العسكر
إحنا اللى روَّحنا بدرى بس مش أكتر
قول للى روَّح عشان يرتاح فما ارتاحشى
الراحة كلِّ ما تستعجلها تِتْأخَّر
واللى ها ينزل ها يُحكُم لو ما روَّحشى
قصر الرياسة بْبلاش، بسِّ انتَ مستخسر
●●●
قصر الرياسة ما فيش بينك وبينه كتير
فيه سلك شائك وكيس رملة وكُشْكِ غفير
لو جيت لوحدك، ها يضرب، والرقاب ها تطير
وان رحت مليون، ها يهرب، وانتَ تبقى أمير
رئيسنا واحد شهيد، يحكُم من التحرير
قصر الرياسة الجديد بِصينِيَّة ومدوَّر
●●●
منصورة يا مصر بجميلة خيام الخيش
بيحرقوها عشان تمشى ولا تمشيش
يا مصر عُمْرِ ما فيه ثورة تقوم بِشْوِيش
المُلك ده اللى ادِّتيه للعسكرى بقشيش
حقّ العيال اللى ماتوا فى طابور العيش
وبنت عَرّوها فى الشارع وشيخ أزهر
●●●
الصبح طالع لِقِى دبابة فوق راسُه
مربَّعة فوق دماغُه وكاتمة أنفاسُه
والشرق مقفول وخِتْمِ النِّسر ترباسُه
قام خبَّا شمسُه ووزَّعها على ناسُه
على العيال اللى ماتوا غدر وانداسوا
بقى شرق فى كل جسم، وشمس بتنوَّر
●●●
كان للفراعنة إله قرد وإله تمساح
للإله كهنة وعسكر يقف بسلاح
وخزنة متقفِّلة بالضبة والمفتاح
وقصر يشبه قصور الجمهورية براح
يا عينى ع الآلهة بقوا فرجة للسياح
ياللى بنسر وسيفين فرحان ومتكبَّر
●●●
الشمس تُدعى الغزالة فى اللغة فاعلم
وبالغزالة المضيئة فى السما باحلم
غزالة ممكن تبيِّن طبعها الوحشي
ما تغرّكمش الأسامى ورقِّة المبسم
دى شمس واللى يِقَيِّدها (يكتفها) ما يفلحشي
ومصر حالفة، ها تتحرر، هاتتحرر
– كرسي الفرعون (فيلم قصير)
الفيلم دا من إنتاج سنة 2010 وقصة الفيلم متاخدة من قصة قصيرة باسم “حامل الكرسي” للكاتب الكبير يوسف إدريس في مجموعته القصصية ” بيت من لحم”..
الفيلم كتبه وأخرجه طارق خليل، بطولة مجدي إدريس في دور حامل الكرسي وحسن عبدالفتاح في دور المواطن المونتاج لـ أحمد الطرابيلي ، وحصل الفيلم على جوايز كتير ومنها جايزة مهرجان كاليفورنيا كأفضل فيلم قصير في أكتوبر 2010 قبل ما يبقى له معنى جديد بعد 25 يناير 2011 لأن ناس كتير قالت إنه تنبأ بالثورة…
اتفرجوا على الفيلم دا وجاوبوا على الأسئلة وماتنسوش في آخر التدوينة معلومات أكتر عن الفيلم..
الأسئلة:
1) إوصفوا حامل الكرسي؟
2) هو ليه شايل الكرسي كدا على طول؟
3) مين أمره بإنه يشيل الكرسي ولازم يسلمه لمين؟
4) إوصفوا المواطن المصري اللي في الفيلم وحاله قبل ما يقابل حامل الكرسي؟
5) بينتهي الفيلم على إيه؟
6) إحكوا الفيلم بترتيبه الزمني الصحيح؟
7) إقروا القصة الأصلية اللي كتبها يوسف إدريس وقارنوها بالفيلم… دا لينك القراية: http://www.kraassi.com/kraasi_57_2.htm
8) إيه رأيكوا في شخصية المصريين الموجودين في الفيلم… وتفتكوا الشخصيتين دول بيشبهوا فعلاً المصريين في الواقع؟
معلومات إضافية عن الفيلم:
والفيلم دا أخد جوايز كتيرة في مهرجانات عالمية كتيرة جداً زي..
“Winner” Best satire for October (2010)
-American International film festival(AIFF)”
http://www.aiff2010.com/Winners.htm
“Silver award “student film competition”
California Film Awards (2010)
http://www.calfilmawards.com/Awards/past_winners/2010_Silver.aspx
“Official Selection”
Manhattan Film Festival (2011)
http://www.manhattanfilmfestival.org/Content/Program_Page_2.htm
“Official Selection”
Edgemar short Film Festival (2011)
http://www.edgemar.org/filmfestival
“Official Selection”
International Freethought Film Festival(IFFF)(2011)
http://www.freethoughtfilmfest.org/index.php?p=1_40_SHORT-FILM-SCREENINGS
“Official Selection”
360|365 George Eastman House Film Festival(Kodak)(2011)
http://film360365.com/main/
“Winner” Silver Lei Award
-Honolulu Film Awards (2011)
http://www.honolulufilmawards.com/General/Awards/2011SilverLeiAwards/tabid/43…
“Winner” Merrit award fall (2010) for Experimental short
“Los Angeles cinema festival of hollywood”
http://www.hollywoodcff.com/2010_Merrit_Winners_(Fall)_.html
“Winner” Award of excellence for international short and
“Winner” for Best cinematography
“Los Angeles Movie Awards” (2010)
http://thelamovieawards.com/2010_(II)_Winners_.html
لو عايزين معلومات كمان ممكن تزوروا:
http://www.elcinema.com/work/wk1545530/news
– يوم صعب (فيلم قصير)
دا فيلم قصير مليان إشارات رمزية… لازم تتفرجوا على الفيلم كامل عشان تفهموا معناه…
أسئلة:
1) إوصفوا المكان اللي بتدور فيه معظم الأحداث.
2) تفتكروا مين الراجل الضخم اللي المخيف اللي في الفيلم؟
3) الراجل اللي لابس ظابط بيتضرب ليه؟
4) إيه معنى وصول الراجل بتاع الديليفاري في المكان دا؟
5) هل فيه حد مظلوم في الفيلم؟ مين في رأيكوا؟
6) إيه اللي بيخَلّص الراجل من الضرب؟ وتفتكروا هو فعلاً خِلِص منه؟
7) إحكوا الفيلم بترتيب أحداثه الزمنة الصحيحة.
8) في رأيكوا صناع الفيلم بيقصدوا مين بكل شخصية؟
9) تفتكروا فريق العمل نجح في توصيل فكرته للمتلقي العادي؟
10) هل توقعتوا النهاية دي؟
11) كل واحد يختار شخصية من الفيلم ويركز على جملة واحدة واضحة ويحاول يكررها ويقولهالنا في الفصل بنطق سليم.
– الدرس العاشر
في التدوينة دي هتلاقوا حاجات عن الثورة المصرية اللي بيتناولها الفصل دا…
وممكن كمان تدخلوا على صفحة ثورة 25 يناير 2011 اللي فيها حاجات أكتر…
– أمثال قديمة جديدة من وحي الثورة
هتلاقوا هنا مجموعة من الأمثال الشعبية المصرية المشهورة اللي اتغيرت شوية (بخفة دم مصرية) أثناء وبعد الثورة المصرية 2011…
المطلوب منكو إنكو تسألوا مصريين عن معاني الأمثال الأصلية وتحاولوا تفهموا معنى المثل بعد التغيير اللي حصلهم… لو عرفتوا تسجلوا مع المصريين يكون هايل وممكن نعرض اللي وصلتوا ليه في الفصل للمناقشة…
امثال 2011
– المولوتوف صابني ورب العرش نجاني… الأصل (العين صابتني ورب العرش نجاني)
– كله سلف و إخوان… الأصل (كله سلف ودين)
– اللي أوله شرم اخره طره… الأصل (اللي أوله شرط آخره نور)
– العين ماتعلاش على النائب… الأصل (العين ماتعلاش على الحاجب)
– اللي عنده رئيس محيره يعمل ثورة ويطيره… الأصل (اللي عنده قرش محيره يجيب حمام ويطيره)
– ساعة الحظر متتعوضش… الأصل (ساعة الحظ ما تتعوضش)
– اجرى يا ابن ادم جرى الوحوش ياتلحق بورتو طرة يامتلحقوش… الأصل (اجري يا ابن آدم جري الوحوش غير رزقك لن تحوش)
– ضل جيش ولا ضل حسني… الأصل (ضل راجل ولا ضل حيطة)
– هتقولهملى حسنى حسنى هاقولهملك سوزان سوزان… الأصل (هتقولهم لي نيللي نيللي هاقولهم لك شريهان شريهان)
– يامورث في غير ملكك.علي طره انت وعيلتك… الأصل (يا مربي في غير ولدك يا باني في غير ملكك)
– الشعب اللي يجيللك منه الريح.اتنحي عنه واستريح… الأصل (الباب اللي يجيلك منه الريح سده واستريح)
– ضد الحكومة (أغنية)
الأغنية دي اتعملت قبل الثورة بأيام وكانت بتعترض على أداء الحكومة وبتطالب برحيل النظام…
صناع الأغنية قالوا عنها: إنهااغنيه راب مصريه من مطرب راب من الاسكندرية اسمه رامى الدنجوان ظهرت فى اوائل عام 2011 قبل احداث الثوره وكان لها دور فى اشغال نار الشباب وجعلهم يعترضون طريق الظلم والنظام الفاسد…
كلمات الأغنية:
ضد الحكومة
ضد البلطجة والظلم
ضد الحكومة
ضد الحاكم ضد الحكم
ضد الحكومة وحبل الظلم طويل
ضد الحكومة وعندى ألف دليل
دمك مسيحينه
قتلك محللينه
وطنك مبهدلينه
دينك مستهدفينه
صوتك هما اللى كاتمينه
حقك كمان واكلينه
واخوك لسة قاتلينه
وباقى الشعب طالع عينه
لو عشت تعيش هفية
لو مت ملكش دية
تتكلم تبقى ضحية
تتعامل بوحشية
سياسة بلطجية
شوية عصبجية
حكومة عدوانية
عايزة تنهش فيك وفيا
الظالم والمظلوم
الحاكم والمحكوم
لمين بس حاشكى وعلى مين انا هالوم؟
هالوم ع الشعب اللى بياخد باوسخ جزمة ولسة ساكت؟
ولا على حكومة سايقاها وقلوبها ماتت؟
فلتسقط الحكومة
فليسقط النظام
فليسقط القانون
فليسقط الحكام
فليسقط الجبان
فليسقط الخان
وليسقط الطيب لو طيبة حاتخليه يتهان
انا ضد الحكومة
ضد البلطجة والظلم
ضد الحكومة
ضد الحاكم ضد الحكم
ضد الخائن والجبان
ضد اللي يقبل يتهان
كل من هب ودب يهينك
دلوقت عمال بيهينك
ملكش قيمة ما لك شئ ثمن
ومغفلينك , مستغفلينك
وفي احضان اعادئك
وماسكينك من ايديك اللي بتوجعك
حواليك الف ( 1000 ) افعى
وفي مقتل عماله تلدغك
مهما تتالم
ما فيش حد ناوي يسمعك
ما تساعد نفسك
ما تقولي وايه اللي يمنعك
لو حد زئك
مستنى مين يجبلك حقك؟
ماسكك ودئك
بقى له 30 سنة بيدئك
عمال يسكك
وانت ساكت ومخيط بقك ومموت مخك
كل من هب ودب يهينك
كفاية نوم
كفاية سكوت
كفاية موت
لو عندك دم
انا ضد الحكومه لأن لي قيمه
ضد الحكومة وصعب اقبل بالهزيمة
– سلمية
دا فيلم تسجيلي بيتكلم عن إزاي بدأت الثورة المصرية وإزاي الشباب كانوا بيفكروا فيها من قبل ما تبدأ من خلال النت وإيه اللي حصل بعد كدا لحد ما بقت بالفعل ثورة اتكلم عنها العالم كله…
أول فيلم تسجيلي يرصد أحداث الثورة المصرية يوماً بيوم من إنتاج قناة ONTV…
– لكل اللي عايز يفهم
دا فيلم تسجيلي وأصحاب الفيلم كتبوا عليه: “انشروا الفيديو بين الناس البسطاء زي البوابين وبتوع الخضار وبتوع الفاكهة وبتوع الشاى والقهوة واعرضوه فى القهاوى واعرضوه فى المحافظات وادوه للناس فى CDs وفلاشات عشان اللى مافهمش يفهم
الفيديو ده بيتكلم عن تفاصيل ثورة 25 يناير وايه اللي مفروض نعمله بعدها.. كل مصري يشوف الفيديو ده ينشره ويوصله لكل المصريين وخاصة الطبقات البسيطة عشان نوعيهم ونفهمهم ايه المطلوب منهم الفترة اللي جاية ونساعدهم يكونوا جزء من بناء مصر معانا”
الفيديو إنتاج قناة KTV (قناة مجلتي TeenStuff وكلمتنا)
شكر خاص للمخرج خالد يوسف…
شكر خاص للسيناريست خالد دياب…
تصوير: أحمد نشأت
مونتاج: حسين هاشم ودينا عشري
مونتاج وإخراج: نسمة زعزوع
– كاسا 2010 كاسيك 2011
– في هذه التدوينة نعرض بعض ما أنتجه طلاب كاسا 2010 كاسيك 2011 خلال الفصول الدراسية الثلاثة ووافقوا على عرضه، حيث أن إنتاج الطلاب كان وفيراً وجيداً جداً لكن لم يوافق بعضهم على مشاركتنا أعمالهم للأسف…
– حلم الناسك
—————————————————————————–
– أغنية راب مصري (GretchBug)
—————————————————————————–
ولأن هذه السنة كانت مميزة وخاصة بالنسبة لنا كمصريون وكاساويون… ففي نهاية 2010 بدأت الثورة التونسية وفي بداية 2011 بدأت المصرية وتلتهما باقي الثورات العربية… فإن هذا الفيلم القصير يلخص لنا سنة كاملة قضاها الطلاب والمدرسون قبل وأثناء وبعد بعض الثورات العربية… فتفضلوا معنا…
– أوبريت حكاية الثورة
الأوبريت دا اتعرض في قناة أون تي في “ON TV” من خلال برنامج بلدنا بالمصري وهو مش أوبريت غنائي أو على مسرح كما هو المعتاد لكن فيه إلقاء شعر والناس متصورة وهي بتلقيه وبنسمع في الخلفية صوت الشارع والميدان…
– التعديلات الدستورية
مباشرة بعد 11 فبراير قرر المجلس الأعلى للقوات المسلحة القيام ببعض التعديلات الدستورية وقد أوكل هذه المهمة للجنة دستورية برئاسة المستشار طارق البشري.. وقد أحدث الإعلان عن هذا القرار الكثير من الجدل حول ما إذا كان هدف الثورة هو مجرد تعديلات أو إحداث تغيير شامل في كل شيء وبتالي تغيير لالدستور وليس تعديل بعض مواده فقط…
– قول لأ
– تقارير عن الثورة
لم يتوقع أحد ما حدث في مصر… ففي ثمانية عشر يوماً حدث ما لم يكن ليخطر على بال أحد… فقد سقط فرعون مصر بإرادة الشعب لأول مرة في تاريخ هذا البلد العريق… وفي هذه المدونة نعرض بعض التقارير التي أنتجتها القنوات الفضائية عن الثورة المصرية…
– الثورة الضاحكة
– يوميات ثورة
– أوبريت حكاية الثورة
– لكل اللي عايز يفهم
– سلمية
– يوميات ثورة
في هذه المدونة نقدم برنامج وثائقي لقناة BBC عن الثورة المصرية بعنوان “ما لا يُقال”. وهو عبارة عن حلقات منفصلة تعرض أحداث الثورة المصرية يوماً بيوم كما عاشها مراسلو القناة في الميدان…
1) الجزء الأول
2) الجزء الثاني
3) الجزء الثالث
4) الجزء الرابع
5) الجزء الخامس
6) الجزء السادس
7) الجزء السابع
– حزب الوسط (د. طارق الملط)
بعد ثورة 25 يناير 2011 نشطت الحياة السياسية المصرية وظهر الكثير من الأحزاب التي لم يكن مسموحاً لها أن تنشأ ومن أوائل هذه الأحزاب كان حزب الوسط وهنا محاضرة للتعريف بالحزب الجديد ومعلومات أخرى عنه.
– الجزء الأول
– الجزء الثاني
– فدائي
قدمت هذه الأغنية في الستينات من القرن الماضي وغناها عبد الحليم حافظ وتغنى بها شباب 25 يناير في ميدان التحرير تخليداً لذكرى الشهداء
– بيانات الجيش
بيان للواء اسماعيل عتمان :
– البيان الأول
– البيان الثاني
– البان الثالث
– البيان الرابع
– البيان الخامس
– الجدع جدع
تأليف أحمد فؤاد نجم وتلحين الشيخ إمام عام 1969
الجدع جدع والجبان جبان
بينا يا جدع ننزل الميدان
والميدان بعيد عن جوف المدينة
يا تار الشهيد ف الكنال و سينا
بحري و الصعيد احنا أهله ادينا
أصلب م الحديد ف الشدة تلاقينا
بالنار و السلاح نرفع الكفاح
فوق كل العواصف و هبوب الرياح
يسبق الليالي ويجيب الصباح
يهزم الهزيمة ويداوي الجراح
عايزين الصباح ؟ قدامكو الميدان
و الجدع جدع والجبان جبان
– حدوتة مصرية
محمد منير حدوتة مصرية
ما نرضاش يخاصم القمر السما
ما نرضاش تدوس البشر بعضها
ما نرضاش يموت جوه قلبي نداء
ما نرضاش تهاجر الجذور أرضها
ما نرضاش قلبي جواي يغني واجراس تدق لصرخة ميلاد
تموت حته مني لاجراس بتعلن نهاية بشر من العباد
دي الحكمة قتلتني وحيتني وخلتني
أغوص في قلب السر قلب الكون
قبل الطوفان ما ييجي
خلتني أخاف عليك يا مصر
واحكيلك على المكنون
مين العاقل فينا مين المجنون
مين اللي مدبوح من الألم
مين اللي ظالم فينا مين مظلوم
مين اللي ما يعرفش غير كلمة نعم
مين اللي محني لك خضار الفلاحين غلابة
مين اللي محني لك عمار عمالك الطيابة
مين اللي ببيع الضمير ويشتري بيه الدمار
مين هو صاحب المسألة والمشكلة والحكاية والقلم
رأيت كل شيء وتعبت على الحقيقة
قابلت في الطريق عيون كتيرة بريئة
أعرف بشر عرفوني لأ لأ ما عرفونيش
قبلوني وقبلتهم
بمد ايدي لأ طب ليه ما تقبلنيش
لا يهمني اسمك لا يهمني عنوانك لا يهمني لونك ولا بلادك ومكانك
يهمني الانسان ولو ما لوش عنوان
يا ناس يا ناس
هي دي الحدوته
حدوته مصرية
– حلوة بلادي
غناء وردة الجزائرية
حلوة بلادي السمرة بلادي الحرة بلادي
وأنا على الربابه بغني
ما املكش غير إنـي أغني وأقول
تعيشي يا مصر
وأنا على الربابه بغني
ما املكش غير إنـي غنوة أمل للجنود
أمل للنصر ليكي يا مصر
وأنا على الربابه بغني
ما املكش غير أغني وابارِك
كل خطوة تعدي ع الطريق الصعب
تحيا مصر
وأنا على الربابه بغني
ما املكش غير إنـي أغني وأقول
غنوة الحرية قول معايا يا شعب
تحيا مصر
حلوة بلادي السمرة بلادي الحرة بلادي
وأنا على الربابه بغني
يا عاشق ومغني وإيه أكون جنبك عشاقك
يا مصر
وانتي اللي مابتنسيش
ضناكي دمّه ع التراب الحُر
فداكي يا مصر
– شيَّد قصورك
أحمد فؤاد نجم والشيخ إمام
شيد قصورك ع المزارع من كدنا وعمل إيدينا
والخمارات جنب المصانع والسجن مطرح الجنينة
واطلق كلابك في الشوارع واقفل زنازينك علينا
وقلّ نومنا في المضاجع أدي احنا نمنا ما اشتهينا
واتقل علينا بالمواجع احنا اتوجعنا واكتفينا
وعرفنا مين سبب جراحنا وعرفنا روحنا والتقينا
عمال وفلاحين وطلبة دقت ساعتنا وابتدينا
نسلك طريق مالهش راجع والنصر قريب من عنينا
النصر أقرب من إدينا
– الثورة الضاحكة
قدم الإعلامى والصحفى ناصر فرغلى، من خلال تليفزيون “بى. بى. سى”، أول فيلم وثائقى قصير عن الثورة المصرية، القناة البريطانية الشهيرة التى واكبت أحداث الثورة يوما بيوم، تم بث الفيلم مساء الأربعاء، وجرى بعده مناقشة ساهم فيها الفنان محمد صبحى والمدون وائل عباس، وصانع العمل ناصر فرغلى.
يسمى ناصر فرغلى عمله الذى قام بعمل مونتاجه العراقى محمود مشتت، بـ”الثورة الضاحكة”، ويذهب الفيلم إلى أن ثورة مصر التى أشاعت جوا من السعادة فى العالم كله، كانت فى جانبها الملحمى مثل كل الثورات الكبرى بصراعاتها وضحاياها ودراميتها، لكن الثورة هذه المرة بما أنها مصرية، فلا بد أن تختلف، ككل ما يرد إلى مصر، وقد كان الاختلاف فى كونها ثورة ضاحكة هى الأولى من نوعها. ويرى فرغلى أن الثائر الضاحك هو الثائر المصرى، وهو الثائر الحقيقى القادر على انتزاع البسمة فى أحلك الأوقات.
– إزاي
غناء محمد منير
الكلمات:
إزّاي تـرضـيـلـي حــبــيــبـتـي .. أتــمعـشـق اسـمــك وانــتـي
عمّاله تزيدي في حيرتي ومـنـتـيـش حاسّـة بـطيـبـتي ., إزاي؟!
مـش لاقـي في عشقـك دافع .. ولا صدق في حـبـك شافـع
إزّاي أنا رافع راسـك وانـتي بـتـحـني في راسي , إزاي؟!
أنا أقـدم شارع فـيكي .. وآمالـك من الـلي بالـيكي
أنا طفـل اتعلّـق بـيكي , في نص السّكة وتـوّهـتيه
أنا لو عـاشـقـك مـتـخـيّـر .. كان قلـبي زمانه اتـغـيّـر
وحـيـاتـك لافـضـل أغـيّر فـيـكي لحـد ماتـرضي عليه
إزّاي تـرضـيـلـي حــبــيــبـتـي .. أتــمعـشـق اسـمــك وانــتـي
عمّاله تزيدي في حيرتي ومـنـتـيـش حاسّـة بـطيـبـتي ., إزاي؟!
مـش لاقـي في عشقـك دافع .. ولا صدق في حـبـك شافـع
إزّاي أنا رافع راسـك وانـتي بـتـحـني في راسي , إزاي؟!
إزّاي سايـباني لـضعـفـي .. طـب لـيه مـش واقـفـة في صفّـي
وأنا عـشت حياتي بحالها عشان ما الـمحش في عيـنـك خـوف
وفي بـحـرك ولّا في بـرّك .. إزّاي أحــمــيــلـك ضهـرك
وأنا ضهري في آخر الليـل دايماً بـيـبات محني ومكشوف
أنا أقـدم شارع فـيكي .. وآمالـك من الـلي بالـيكي
أنا طفـل اتعلّـق بـيكي , في نص السكة وتـوهـتيه
أنا لو عـاشـقـك مـتـخـيّـر .. كان قلـبي زمانه اتـغـيّـر
وحـيـاتـك لافـضـل أغـيّر فـيـكي لحـد ماتـرضي عليه
إزّاي تـرضـيـلـي حــبــيــبـتـي .. أتــمعـشـق اسـمــك وانــتـي
عمّاله تزيدي في حيرتي ومـنـتـيـش حاسّـة بـطيـبـتي ., إزاي؟!
مـش لاقـي في عشقـك دافع .. ولا صدق في حـبـك شافـع
إزّاي أنا رافع راسـك وانـتي بـتـحـني في راسي , إزاي؟!
——
كلمات : نصر الدين ناجي — ألحان وتوزيع : أحمد فرحات — إخراج : هادي الباجوري
– شهداء 25 يناير
حمادة هلال شهداء 25 يناير
الكلمات:
شهداء 25 يناير .. ماتوا ف أحداث يناير .. راحوا وفارقوا الحياة
شهداء لازم نتباهى بيهم .. وكمان مبروك عليهم .. الجنة والسما
شهداء علشان ترابها بجد ضحوا بنفسهم شهداء لو مين عليهم ربنا اللي ف صفهم
شهداء علشان يعلوا ف مصر وقفوا يهتفوا شهداء ما همهمش يموتوا فيها وينزفوا
شهداء 25 يناير .. ماتوا ف أحداث يناير .. راحوا وفارقوا الحياة
شهداء لازم نتباهى بيهم .. وكمان مبروك عليهم .. الجنة والسما
شهداء رفعوا علمها وفضلوا ليها يفكروا شهداء دول عملوا نقلة ودور ماحدش ينكره
شهداء وقفوا ف ميدان باسم مصر يرددوا شهداء عاشوا بشرف ماتوا بشرف واستشهدوا
شهداء 25 يناير .. ماتوا ف أحداث يناير .. راحوا وفارقوا الحياة
شهداء لازم نتباهى بيهم .. وكمان مبروك عليهم .. الجنة والسما
شهداء شوف كام شهيد مات ساب عياله لوحدهم شهداء إتحرموا م الإحساس ومن حضن أمهم
شهداء وفيهم اللي كان سند لضهر أبوه شهداء سابوا أمهات م الحزن يبكوا ويصرخوا
شهداء 25 يناير .. ماتوا ف أحداث يناير .. راحوا وفارقوا الحياة
شهداء لازم نتباهى بيهم .. وكمان مبروك عليهم .. الجنة والسما
– يناير
يناير لأنغام
الكلمات:
كنت فاكرة الأرض ثابتة والسنين متكررين
كنت فاكرة الجنة أبعد من أيادي الطيبين
كنت باضحك قد ما أقدر كنت شايفة الصورة أصغر
بعنيا الضيقين
فجأة هز الدنيا صوتكوا والحياة رجعت بموتكوا
والسنة اتسمت يناير شيلتوا عن عينا الستاير
وانكشف عالم جميل
درس من قلب الميدان للي خايف من زمان
عيدتوا ترتيب المكان وإحنا ليكم مديونين
– ارفع راسك فوق (أغنية)
أغنية ارفع راسك فوق انت مصري .. لحمادة هلال
كلمات : أحمد شوقي محرم ، ألحان : سيد جابر ، توزيع : سامي الحناوي
تصوير : أحمد سلطان ، أحمد أبو الفتوح
مونتاج : أحمد سلطان
إخراج : أحمد عبد الوهاب
الكلمات:
ارفع راسك فوق إنت مصري
بلدك عالية وفوق إنت مصري
حلمك بقى ف إيديك شيله جوا عنيك
واللي يقرب ليك قله أنا مصري فوووق
مين قدك في عنادك وف عشقك لبلادك
رجعت لها بإيدك الحلم المسروق
– ارفع راسك فوق إنت مصري
قام الشاعر جمال بخيت يوم انتصار الثورة بكتابة قصيدة ارفع راسك فوق لكل مصرى بمناسبة الثورة المصرية ارفع راسك فوق انت مصرى…
الكلمات:
ارفع راسك فوق انت مصرى
بلدك طالعة لفوق ياللى كسرت الطوق
ياللى جبت نصرى
■ ■ ■
ارفع راسك همة ياللى نصفت الأمة
أحبابك وشبابك دول قد المهمة
من قوة شهيدهم ربك خد بإيدهم
خمسة وعشرين.. عيدهم ف يناير.. دا حصرى
ارفع راسك فوق انت مصرى
■ ■ ■
ارفع راسك.. طير ما بقاش فيه أساطير
كل العالم سامع صوتك م التحرير
من كل الميادين تونس وفلسطين
والباقيين.. جايين وشايفهم ببصرى
ارفع راسك فوق انت مصرى
■ ■ ■
لما مصر.. بتنطق يعلا الحق ويسبق
والزيف يدخل جُحره ولا بيحطش منطق
الراية.. مصرية والأمة.. عربية
وادى ورد الحرية فتح يا ابن عصرى
ارفع راسك فوق انت مصرى
■ ■ ■
شعبى بصوته أدلى عَدَل الدنيا.. عدلة
وف عز الشدايد غيّرنا المعادلة
لو تزرع هاتجنى أجمل نول.. ناسجنى
فقر الفكر.. سجنى والعدالة.. قصرى
ارفع راسك فوق انت مصرى
■ ■ ■
ارفع راسك.. شب غنى مكان ماتحب
شعبك خالد.. خالد لما يهب.. يهب
شعبك.. أجمل شعب سهل.. ولكن صعب
جاب للحاكم رعب قال للحاشية.. انكسرى
ارفع راسك فوق انت مصرى
■ ■ ■
ارفع راسك عيش نضف.. ما تخليش
علم الحرة الغالية غيره ما يسترنيش
مش رح نرضى مظالم ولا هانخاف من ظالم
أصل الشعب العالم بدّل يسرى.. بعسرى
ارفع راسك فوق انت مصرى
– الميدان
أيادي مصرية سمرا ليها في التمييز
ممدودة وسط الزئير بتكسر البراويز
سطوع لصوت الجموع شوف مصر تحت الشمس
آن الأوان ترحلي يا دولة العواجيز
عواجيز شداد مسعورين أكلوا بلدنا أكل
ويشبهوا بعضهم نهم وخسة وشكل
طلع الشباب البديع قلبوا خريفها ربيع
وحققوا المعجزة صحوا القتيل من القتل
اقتلني قتلى ما هيعيد دولتك تاني
بكتب بدمى حياة تانية لأوطاني
دمي ده ولا الربيع الاتنين بلون أخضر
وببتسم من سعادتي ولا أحزاني
تحاولوا ما تحاولوا ما تشوفوا وطن غيره
سلبتوا دم الوطن وبشيمته من خيره
أحلامنا بكرانا أصغر ضحكة على شفة
شفتوتش الصياد يا خلق بيقتلوا طيره
السوس بينخر وسارح تحت أشرافك
فرحان بيهم كنت وشايلهم على كتافك
وأما أهالينا من زرعوا وبنوا وصنعوا
كانوا مداس ليك ولولادك وأحلافك
ويا مصر يا مصر آن العليل رجعتله أنفاسه
وباس جبين للوطن ما للوطن داسه
من قبل موته بيوم صحوه أولاده
إن كان سبب علته محبته لناسه
الثورة فيضان قديم
محبوس مشافوش زول
الثورة لو جد متبانش فى كلام أو قول
تحلب وتعجن فى سرية تفور فى القلب وتنغزل فتلة فتلة فى ضمير النول
متخافش على مصر يا با مصر محروسة
حتى من التهمة دى اللى فينا مدسوسة
ولو أنت أبوها بصحيح وخايف عليها
أي تركتها ليه بدن بتنخره السوسة
وبيسرقوكى يا الوطن قدامنا عينى عينك
ينده بقوة الوطن ويقلى قوم
فينك ضحكت علينا الكتب بعدت بينا عنك
لولا ولادنا اللى قاموا يسددوا دينك
لكن خلاص يا وطن
صحيت جموع الخلق قبضوا على الشمس بأيديهم
وقالوا لا من المستحيل يفرطوا عقد الوطن تاني
والكدب تاني محال يلبس قناع الحق
بكل حب الحياة خوط في دم اخوك
قول أنت مين للي باعوا حلمنا وباعوك وأهانوك
وذلوك ولعبوا قمار بأحلامك
نيران هتافك تحرر صحبك الممسوك
يرجعلها صوتها مصر تعود ملامحها
تاخد مكانها القديم
والكون يصالحها عشرات السنين تسكونوا بالكدب فى عروقنا
والدنيا متقدمة ومصر مطرحها
كتبتوا أول سطور فى صفحة ثورة
وهما علما وخبرة مداورة ومناورة
وقعتوا فرعون هرب من قلب تمثاله
لكن جيوشه مازالوا بيحلموا ببكره
صباح حقيقي ودرس جديد أوي في الرفض
أتارى للشمس صوت وأتاري للأرض نبض
تانى معاكم رجعنا نحب كلمة مصر
تانى معاكم رجعنا نحب ضحكة بعض
مين كان يقول ابننا يطلع من النفق
دي صرخة ولا غنى وده دم ولا شفق
أتاريها حاجة بسيطة الثورة يا أخوانا
مين اللي شافها كده مين أول اللى بدأ
مش دول شاببنا اللي قالوا كرهوا أوطانهم
ولبسنا توب الحداد وبعدنا أوي عنهم
هما اللي قاموا النهارده يشعلوا الثورة
ويصنفوا الخلق مين عنهم ومين خانهم
يادي الميدان اللي حضن الذكرى وسهرها
يادي الميدان اللي فتن الخلق وسحرها
يادي الميدان اللي غاب اسمه كتير عنه وصبرها
ما بين عباد عاشقة وعباد كارهة
شباب كان الميدان أهله وعنوانه
ولا في الميدان نسكافيه ولا كابتشينو
خدوده عرفوا جمال النوم على الأسفلت
والموت عارفهم أوي وهما عارفينه
لا الظلم هين يا ناس ولا الشباب قاصر
مهما حاصرتوا الميدان عمروا ما يتحاصر
فكرتنى يا الميدان بزمان وسحر زمان
فكرتني بأغلى أيام فى زمن ناصر
شايل حياتك على كفك صغير السن
ليل بعد يوم المعاناة وأنت مش بتأن
جمل المحامل وأنت غاضض
بتعجب أمتي عرفت النضال
اسمحلي حاجة تجن
أتاريك جميل يا وطن مازلت وهتبقى
زال الضباب وانفجرت بأعلى صوت
لا حركتنا نبتسم ودفعت أنت الحساب
وبنبتسم بس بسمة طالعة بمشقة
فينك يا صبح الكرامة لما البشر هانوا
وأهل مصر الأصيلة اتخانوا واتهانوا
بنشتري العزة تاني والتمن غالي
فتح الوطن للجميع قلبوا وأحضانوا
الثورة غيض الأمل وغنوة الثوار
الليل إذا خانه لونه يتقلب لنهار
ضج الضجيج بالندا اصحى يا فجر الناس
فينك يا صوت الغلابة وضحكة الانفار
وإحنا وراهم أساتذة خايبة
تتعلم ازاي نحب الوطن وامتى نتكلم
لما طال الصدى قلبنا ويأسنا من فتحه
قلب الوطن قبلكم كان خاوي ومضلم
أولنا في لسة الجولة ورا جولة
ده سوس بينخر يا أبويا في جسد دولة
أيوه الملك صار كتابة إنما أبدا
لو غفلت عينا لحظة يقلبوا العملة
لكن خوفي مازال جوه الفؤاد يكبش
الخوف اللي ساكن شقوق القلب ومعشش
واللى مش راح يسيبه ولسه هيبقوا
وهيلاقولهم سكك وببان ما تتردش
وحاسبوا أوي من الديابة اللي في وسطيكم
وحاسبوا أوي من الديابة اللي في وسطيكم
وألا تبقى الخيانة منك وفيكم
الضحك على البق بس الرك على النيات
فيهم عدوين أشد من اللي حواليكم
– شعر وطني بالعامية المصرية
في التدوينة دي هتلاقوا شعر اتكتب أثناء الثورة أو بعد الثورة بفترة قليلة…
– مش كفاية
– كأنك مافيش
– يا مصر هانت
اللي كتب الشعر دا الشاعر الفلسطيني المصري تميم البرغوتي في اليوم التالت للثورة والقاه في لقاء على قناة الجزيرة مباشر أثناء الأحداث المفجعة اللي حصلت مساء يوم الجمعة 28 يناير…
ولما سمعها واحد من شباب الثورة اسمه مصطفى سعيد أُعجَب بالكلمات فغناها على قناة الـBBC
الكلمات:
يا مصر هانت وبانت كلها كام يوم .. نهارنا نادي ونهار الندل مش باين
الدولة ما فضلش منها إلا حبة شوم
لو مش مصدق تعالى ع الميدان عاين
يا ناس مافيش حاكم إلا من خيال محكوم
واللي هايقعد في بيته بعدها خاين
اللي هايقعد كأنه سلم التانيين
للأمن بإديه وقال له هم ساكنين فين
وصلت لضرب الرصاص ع الخلق في الميادين
حتىالجثث حجزوهااكمنهم خايفين
يا مصر أصبحنا أحياء وميتين مساجين
فاللي هايقعد في بيته يبقى مش مفهوم
واللي هاينزل إلهي حارسه صاين
يا مصر هانت وبانت كلها كام يوم … نهارنا نادي ونهار الندل مش باين
نهارنا نادي وبإدينا على فكرة
الصبح عنده فضول راح نعمل إيه بكرا
إيده على الباب خايف يلمس الأكرة
ادخل يا أستاذ براحتك والبلد حرة
إحنا زهقنا نشوف الصبح من بره
ادخل وخرج بقايا العتمة بالمرة
الناس دي حرة وجنود الأمن مضطرة
يا صبح طلعت روحنا لاجل تيجي ياخي
طالعين نجيبها اهه في كل حاره و حي
حتى ولو ضربونا بالرصاص الحي
شوف الميادين كده مفروشه خلق و ضي
دايماً مفاجأة ودايماً وقتها معلوم
الحكم لينا وليكي الحق يا مداين
يا مصر هانت وبانت كلها كام يوم .. نهارنا نادي ونهار الندل مش باين
يا صف عسكر بدال الدرع شيلوا اتنين
25 يناير يا شباب فاكرين
كان فيه انجليز ووزير الداخلية تخين
كان عنده برضه عساكر زيكم جامدين
سابهم يموتوا علولا لم سأل فيهم
كانوا شبهكم أساميكم أساميهم
يا عسكري البهوات اللي بتحميهم
ممكن يردوا عليك لما تناديهم؟
يا عسكري انا أصلي بس بستغرب
لو لاقي تاكل وتشرب قوم يا عم إضرب
إضرب عشان الوزير من ضربتك يطرب
لكن هتشتغل ايه لما الوزير يهرب
أما الشديد القوي القادر أبو القادر
برميل تلامه ونشع على مصر من الأخر
لو شافته معدده تكتب أدب ساخر
ثابت يقول للهرم يا كابتن إتاخر
ولم يزل معتقد إن الهرم هايقوم
آدي الحجر والبشر قايمين يا سيد القوم
والدين هايترد ياللي عشت متداين
يا مصر هانت وبانت كلها كام يوم.. نهارنا نادي ونهار الندل مش باين
ده حكم أسرة لا خوفو ولا خفرع
ولا وجع بطن يتعالج بزيت خروع
عمل مسوجر بعيد عنك ولا يطلع
جربنا فيه كل شيء ما لقينا شيء ينفع
مانفعش بالأدوية جربنا ألف طبيب
ولا بعطارة شيوخ ليهم بلح وزبيب
ولا بجحفل مغولي وضرب بالقباقيب
عمل مسوجر وسفلي شغل تل أبيب
وشغل أمريكا متغلف وختمه عليه
ضيف زارنا يا عم من غير دعوة لابس بيه
قاعد 30 سنة ومابيقولش قاعد ليه
والنية يديها لإبنه النابغة بعديه
ويقول قضا وقدر بين البشر محتوم
قلنا له طيب مين عرفك يا فخامتك بالذي كاين
يا مصر هانت وبانت كلها كام يوم … نهارنا نادي ونهار الندل مش باين
– أغاني وطنية بالفصحى
– بلادي بلادي (النشيد الوطني الحالي)
– مصر تتحدث عن نفسها
– مصر التي في خاطري
– النهر الخالد
– اسلمي يا مصر (النشيط الوطني السابق)
– شعر بالفصحى
في هذه الصفحة سنقوم بوضع أشعار استخدمت فترة الثورة قديمة كانت أو حديثة… فقد قام شباب التحرير باسترجاع الأشعار القديمة بحس جديد لوصف مشاعر لطالما حلموا بها وتمنوها كما كان الكبار افتقدوها منذ زمن…
ولذلك فقد وضعنا هنا قصائد وأشعار وطنية وفيها ما قد قام بعض المطربين بغنائه وآخر ترك كما هو شعراً يُقرَأ…
– يا بلادي يا بلادي
لحن الأغنية دي أُعيد اكتشافه وقت الثورة بعد سقوط شهداء يوم الجمعة 28 يناير… في الأصل اتكتب لحن الأغنية دي بعد هزيمة 1967 وبالتحديد بعد ضرب القوات الإسرائيلية مدرسة بحر البقر المصرية سنة 1970 واستشهد 30 طفل دون 14 سنة…
اللحن الأساسي كان للفنان بليغ حمدي وأعاد توزيعه وإكماله وكتابة الكلمات عزيز الشافعى وغناه هو ورامى جمال…
الكلمات:
يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى
قولوا لأمى متزعليش وحياتى عندك متعيطيش
قولوا لأمى متزعليش وحياتى عندك متعيطيش
قولولها معلش يا امى اموت اموت وبلادنا تعيش
امانه تبوسولى ايديها وتسلمولى على بلادى
يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى
فى جسمى نار ورصاص وحديد علمك فى ايدى واسمى شهيد
فى جسمى نار ورصاص وحديد علمك فى ايدى واسمى شهيد
بودع الدنيا وشايفك يا مصر حلوه ولبسه جديد
لأخر نفس فيا بناااادى باموت وانا بحب بلادى
يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى
طايرين ملايكة حواليا طير لحظة فراقك يا حبيبتى غير
طايرين ملايكة حواليا طير لحظة فراقك يا حبيبتى غير
همشى معاهم وهسيبك واشوف يا مصر وشك بخير
قالولى يلا ع الجنه قولتلهم الجنة بلااااادى
يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى
– يُفَط
هتلاقوا هنا مجموعة من اليُفَط اللي الشباب استخدموها اثناء الثورة كمان مجموعة من الكاريكاتور والنكت…
– خُطَب متنوعة لرؤساء وزعماء عرب
ستجدون في هذه التدوينة بعض الخطب التي ألقاها بعض الزعماء زالرؤساء العرب.
أولاً: بعض خُطَب الرؤساء المصريين السابقين لمبارك:
– خطاب تأميم قناة السويس
– خطاب تنحي جمال عبد الناصر
———————————————————————————————-
– السادات يلقي بيان وفاة جمال عبد الناصر
– خطاب أنور السادات انتصار أكتوبر 1973
– خطاب السادات الأخير وهو عبارة عن 15 جزء
====================================================
ثانياً: خُطَب لبعض القادة والزعماء العرب:
خطاب القذافي (أقصر خطاب في التاريخ)
———————————————————————————————-
خطاب القذافي الثاني
الجزء 1
الجزء 2
———————————————————————————————
خطاب بن علي الأول
خطاب بن علي الثاني
خطاب بن على الثالث
———————————————————————————————
خطاب نصر الله (النصر آت آت)
———————————————————————————————
– بعض خُطَب مبارك
ستجدون في هذه التدوينة بعض الخطب التي ألقاها مبارك على مدار سنوات حكمه الثلاثين.
1) أول خطاب لمبارك سنة 1981
———————————————————————————————-
2) خطاب 23 يناير 2011
———————————————————————————————-
3) خطاب 28 يناير 2011
———————————————————————————————-4) خطاب 1 فبراير 2011
———————————————————————————————-
5) الخطاب الأخير 10 فبراير 2011
———————————————————————————————-
– صوت الحرية
ظهرت هذه الأغنية أثناء الثورة… وهي لفرقة وسط البلد الموسيقية واستعانوا في نهايتها بجزء من قصيدة الميدان للشاعر الكبير عبد الرحمن الأبنودي.
كلمات الأغنية:
نزلت وقلت أنا مش راجع … وكتبت بدمي في كل شارع
سَمَّعنا اللي ما كانش سامع … واتكسرت كل الموانع
سلاحنا كان أحلامنا … وبكرا واضح قدامنا
من زمان بنستنى … بندوَّر مش لاقيين مكانَّا
في كل شارع ف بلادي … صوت الحرية بينادي
واااااو واااااو
رفعنا راسنا ف السما … والجوع ما بقاش بيهمنا
أهم حاجة حقنا … ونكتب تاريخنا بدمنا
لو كنت واحد مننا … بلاش ترغي وتقول لنا
نمشي ونسيب حلمنا … وبطَّل تقول كلمة أنا
في كل شارع ف بلادي … صوت الحرية بينادي
واااااو
(شِعر)
أيادي مصرية سمرا … ليها في التمييز
ممدودة وسط الزئير … بتكسر البراويز
طلع الشباب البديع … قلبوا خريفها ربيع
وحققوا المعجزة … صوا القتيل م القتل
اقتلني.. قتلي ما هيعيد دولتك تاني
باكتب بدمي حياة تانية لأوطاني
دمي دا وللا الربيع … الاتنين بلون أخضر
وببتسم من سعادتي وللا أحزاني
في كل شارع ف بلادي … صوت الحرية بينادي
– يا بيوت السويس
بعد نكسة يونيو عام 1967 رفض الشاعر عبد الرحمن الأبنودى الهزيمة مثلما رفضها كل الشعب المصرى ولذا أخذ الفنان الأصيل محمد حمام وذهب إلى مدينة السويس وكتب يابيوت السويس والتى تقول كلماتها:
يابيوت السويس يابيوت مدينتي
استشهد تحتك وتعيشي انتي
يابيوت السويس
هيلا هيلا هيلا يالله يابلديا
شمر درعاتك الدنيا اهيه
وإن باعوا العمر في سوق المنية
رفاقة هانروح السوق نجيبه
ونعود ونغني ع السمسية
ليكي يامدينتي ياللي صمدتي
يابيوت السويس
استشهد والله ويجيى التانى
فداكي وفدا اهلي وبنياني
اموت وياصاحبي قوم خد مكاني
دا بلدنا حالفة ماتعيش غير حرة
قفلت بيتي وسكيت دكاني
ياشطي وبحري وشبكي وسفينتي
يابيوت السويس
والله بكرة ياعم ابورية
لهاتضحك واحنا ماشيين سوية
ع المينا ولا عند الزيتية
وهاتاخد بنتك وابنك ومراتك
ونعدي على نفس المعدية
ونقول يادنيا والله وصدقتي
يابيوت السويس
وان عشنا وانا كنت شديد متعافي
أنا لأحمل توبك على لحم كتافي
وأقضي يومي عرقان وحافي
وإن قدمي اتعفر بالرمل الأصفر
لأغطس قدمي ف البحر الصافي
وتعودي احسن من يوم ماكنتي
يابيوت السويس
ولحن هذه الكلمات الموسيقار إبراهيم رجب وغناها محمد حمام بين حشود الناس و وسط جنود وضباط الجيش المصري و كانت هذه الأغنية بيانا تاريخيا عن صمود السويس فقد عبرت عن الموقف الوطني و رفض العدوان والتدميرالإسرائيلي للمدن وخاصة مدينة السويس .. هذا الدمار الذى فاق دمار الكثير من المدن الأوروبية أثناء الحرب العالمية الثانية وفقا لما ذكره المراقبين الدوليين. وقد أعيد غناء بعض أجزاء من هذه الأغنية بصوت الفنان محمد منير وبتوزيع جديد.
– أغاني وطنية
أغاني الموجة الثورية الثانية 30 يونيو:
——————————————————————————————–
أغاني ثورة 25 يناير:
——————————————————————————————–
أغاني قديمة:
– يا حبيبتي يا مصر
كلمات الأغنية:
يا بلادي يا أحلى البلاد يا بلادي
فداكي أنا والولاد يا بلادي
ياحبيبتي يا مصر
ما شافش الأمل في عيون الولاد وصبايا البلد
ولا شاف العمل سهران في البلاد والعزم اتولد
ولاشاف النيل في أحضان الشجر
ولاسمع مواويل في ليالي القمر
أصله معداش على مصر
ياحبيبتي يا مصر
ماشافش الرجال السمر الشداد فوق كل المحن
ولاشاف العناد في عيون الولاد وتحدي الزمن
ولاشاف إصرار في عيون البشر
بيقول أحرار ولازم ننتصر
أصله معداش على مصر
ياحبيبتي يا مصر
صَوَّر يا زمان
دي أغنية قديمة من أيام ثورة 1952 لكن أيام ثورة 25 يناير كان الشباب بيغنوها لدرجة إنها بقت الأغنية الرسمية لميدان التحرير…
كلمات الأغنية:
صورة صورة صورة كلنا كدا عايزين صورة
صورة صورة صورة تحت الراية المنصورة
صورة للشعب الفرحان تحت الراية المنصورة
يا زمان صورنا صورنا يا زمان
هنقرب من بعض كمان واللي هيبعد فى الميدان
عمره ما هيبان فى الصورة
خضرة وماية وشمس عفية وقبة سما زرقا مصفية
ونسايم سلم وحرية ومعالم فن ومدنية
ومداين صاحية الفجرية علي أشرف ندهة واذان
دي بلدنا
دي بلدنا مصر العربية صورة …..صورة
صورة منورها الايمان
علي مدد الشوف مدنه ومدنه دي لصلاتنا ودي لجهادنا
مدخنة قايدة قلوب حسّادنا تحتها صلب كأنه عنادنا
وقدّامه من اغلى اولادنا عامل ومهندس عرقان
شّبان والشبان فى بلدنا فى الصورة فى اهم مكان
صوّر يا زمان صوّر يا زمان
كلنا هنا فى الصورة زمايل نوفي اللي ميثاقنا عليه قايل
من اصــــــغر طفله بجدايل علي زرع ودرس بتــتمايل
للفلاح ابو خير وجــمايل للواعظ الحافظ القرأن
للجندي الاسد اللي شايل علي كتفه درع الاوطان
وبعيد عن العين لكن فى الصورة اوضــــح ناس
ناس تحت حر الجبال والقلب كله حماس
بتفجر الرمل انهار من ذهب أســــــــود
وناس بتكــسيه بخضره وكل لون له ناس
واساتذه وعلما ومعامل ودكاتره من الشعب العامــل
ورجال سكر علي مكاتبها تخدم بالروح لما تعامـــل
فى الصوره مفهاش الخامل والهامل واجبه نعسـان
مفهاش الا الثوري الكامل المصري العربي الانسان
صور يا زمان صور يا زمان
حلوين قوي كده وحياه ربي يا حبايبي بقولها من قلبي
ثورتنا صورتنا ومااحلاها فى اطار التنظيم الشـــــعبي
ناصر واحنا كلنا حواليه ناصر وعيون الدنيا عليه
ناصر والنصر بيسعي اليه والشعب دليله وإلهامه
قربوا من فكره واحلامه ياللي عليكم كل كلامه
ناصر ناصر ناصر
فى الصوره طالقكم قدامه قلتم ايه ناصر ناصر
قيادات شعبيه قلتم ايه؟
قلنا يا زعمنا قلوبنا اهي ايامنا اهي ليالينا اهي
فى يوم الدم… وهبنا الدم.. هانبخل بالليالي ليه؟
والصوره اكتملت بالرواد مع ناصر وايدهم فى ايديه
الشعب ووطنه… وزمنه وعمله… وامله بطله…. ابو الشجعان
صور يا زمان يا زمان صور يا زمان
كلمات: صلاح جاهين
الحان: كمال الطويل
– خُطب سياسية
ستجدون في هذه التدوينة بعض الخطب التي ألقاها مبارك بالإضافة إلى بعض الزعماء زالرؤساء العرب.
وهذه نقاط مساعِدة لمناقشة أو تقديم الخُطَب عموماً:
1) تحليل لغة الخطاب.
2) ما هو السياق التاريخي الذي ألقي فيه الخطاب؟
3) هل أثرت السياق التاريخي على الغة أو العكس؟ كيف؟
4) إلى من يوجه المتكلم الخطاب؟
5) ما هي النبرة المسخدمة في الخطاب والشكل العام للمتكلم؟
6) ما تأثير الخطاب على الجماهير؟
—————————————————————–
الهاتك بأمر الله
هذه قصيدة كتبها عبد الرحمن يوسف القرضاوي
الهاتك بأمر الله
يا مَن لِعِرضي هَتك فقدتَ شرعيتك … من ربع قرنٍ كئيب لعنتُها طلعتك
أموالنا لك حلٌ فاملأ بها جُعبتك … خلف الحراسة تبدو مستعرضاً قوتك
تبدي مظاهرَ عز تُخفي بها ذِلتك … سلاحُ جيشِك درعٌ تحمي به عُصبتك
مع العدو كليلٌ لكن بشعبي فتك … سوادُ قلبِك بادٍ فاصبُغ به شيبتك
يأتيك دعمُ عدوي فاصلب به قامتك … سجدتَ للغرب دوماً مستبدلاً قبلتك
بأدمُعي ودمائي كتبتها قصتك … خذلت كل شريفٍ حتى غدت لذتك
وكلٌ أبناءَ شعبي قد شاهدت قسوتك … وكم منحتَ لصوصاً يا قاسياً رحمتَك
تعطي لنسلِك أرضي ممارساً سُلطتك … كأن أرضَ جدودي قد أصبحت ضيعتك
لاشك موتك يأتي مستأصلاً شَأفَتك … يومُ الحساب قريب ترى به خيبتك
يومُ المنصة حق فخذ به عبرتك … هذي الجموعُ يقيناً ما جددت بيعتك
—————————————————————-
– الشعر الثوري
في هذه الصفحة سنقوم بوضع أشعار استخدمت فترة الثورة قديمة كانت أو حديثة… فقد قام شباب التحرير باسترجاع الأشعار القديمة بحس جديد لوصف مشاعر لطالما حلموا بها وتمنوها كما كان الكبار افتقدوها منذ زمن…
ولذلك فقد وضعنا هنا قصائد وأشعار وأزجال وطنية فصيحة وعامية وفيها ما قد قام بعض المطربين بغنائه وآخر ترك كما هو شعراً يُقرَأ…
– يا مصر هانت وبانت
– الجدع جدع والجبان جبان
خطاب مبارك احتفالاً بعيد الشرطة
اسمع ثم أجب على ما يلي:
1) ما مناسبة ها الخطاب؟
2) كيف استقبل الجمهور الرئيس؟
3) ما هي أهم النقاط اللتي تكلم فيها؟
4) ما هي مكانة الشرطة في المجتمع كما يتضح من كلام مبارك؟
5) في رأيك هل كان مبارك متوقعاً لما حدث بعد هذا الخطاب بيومين؟ ولماذا؟
خطاب مبارك الأخير
اسمع ثم أجب على ما يلي:
1) كيف وصف مبارك “الوقت الراهن” في مصر؟ ولماذا؟
2) مم حذر الشعب؟
3) بم وعد مبارك الشعب المصري؟
4) في رأيك هل كانت وعوده كافية لتهدئة الرأي العام؟
خطاب مبارك الثاني
اسمع ثم أجب على ما يلي:
ألقى مبارك هذا الخطاب يوم الثلاثاء 1 فبراير 2011 قبل موقعة الجمل
1) كيف وصف حال البلد؟
2) كيف تكلم مبارك عن نفسه؟ ولماذا؟
3) ما هي الإجراءات التي اتخذها في لإرضاء الشباب؟
4) كيف استقبل المصريون هذا الخطاب؟
5) هل كان مبارك صادقاً في كل وعوده؟
خطاب مبارك الأول
اسمع ثم أجب على ما يلي:
1) كيف وصف مبارك “الوقت الراهن” في مصر؟ ولماذا؟
2) مم حذر الشعب؟
3) بم وعد مبارك الشعب المصري؟
4) في رأيك هل كانت وعوده كافية لتهدئة الرأي العام؟
محطة كاسيك مصر- Caasic Egypt Broadcast 
يجب عليك تسجيل الدخول لكتابة تعليق.